Tanxugueiras e La Pegatina súmanse ao cartel do Revenidas 2022
Por Redacción
Tanxugueiras e La Pegatina tamén formarán parte do cartel do Revenidas 2022.
O trío de pandereteiras, que xa actuou en Vilaxoán na edición de 2021, repite cita para presentar o seu novo disco, unha proposta de mestura de música tradicional con sons electrónicos e urbanos. Outros que regresan a Vilaxoán son La Pegatina, que presentarán o seu décimo traballo.
Ademais destes dous grupos, tamén se suman ao cartel do Revenidas 2022 a galega Laura Lamontagne & Picoamperio, los italianos Talco, los rusos Moscow Death Brigade e a catalá Suu.
Estes artistas súmanse aos grupos do cartel do Revenidas 2022 que xa foran anunciados previamente, como Baiuca, Dubioza Kolektiv, SFDK, Ladilla Rusa, Lendakaris Muertos e Zoo.
Nos vindeiros meses o Revenidas irá dando a coñecer o resto dos nomes dos grupos e das actividades que conformarán o festival no 2022.
A venda de abonos para o festival Revenidas 2022 poderán adquirirse dende a web (www.revenidas.com) ou dende as redes sociais do festival a un prezo de 46 euros (máis gastos de xestión). Tamén se ofrece a posibilidade de reservar espazo na zona de acampada e de facer unha carga previa da pulseira cashless.
As persoas que dispoñan do Carne Xove da Xunta de Galicia poderán mercar o abono cun 15% de desconto, utilizando o código CARNEXOVEFESTIVAL na tiqueteira dixital. Despois deberán presentar o Carné Xove na entrada do festival.
Relacionadas:
-
O Revenidas, ante a súa edición "máis ambiciosa" con Tanxugueiras, La Pegatina ou Zoo
Por Alejandro Espiño |
-
Xabier Díaz, Guadi Galego, Grande Amore e Boyanka Kostova suben a bordo do barco do Revenidas
Por Redacción |
-
Sés, Ortiga ou Grande Amore completan no Revenidas a "gran festa da música galega"
Por Alejandro Espiño |
-
Boikot, Boyanka Kostova, Gatibu ou SonDaRúa redondean o cartel do Revenidas 2022
Por Redacción |
-
Rías Baixas Fest, sete citas musicais obrigadas entre xuño e setembro na provincia
Por Oskar Viéitez & Mónica Patxot |
-
Baiuca, Dubioza Kolektiv, SFDK, Zoo, Ladilla Rusa e Lendakaris Muertos, no Revenidas 2022
Por Redacción |