O Revenidas, ante a súa edición "máis ambiciosa" con Tanxugueiras, La Pegatina ou Zoo
Por Alejandro Espiño
O festival Revenidas, que se celebrará en Vilaxoán (Vilagarcía de Arousa) do 7 ao 11 de setembro, presentou este xoves a que, segundo os seus organizadores, é a edición "máis ambiciosa" dos seus dezaoito anos de historia.
Máis de 40 artistas actuarán sobre o escenario do festival, que se amplía por primeira vez ata os cinco días, cunha oferta musical encabezada por Tanxugueiras, La Pegatina, Zoo, Ladilla Rusa, Ortiga, Grande Amore, Guadi Galego, Boikot ou Lendakaris Muertos.
Ademais dos grupos e artistas nacionais e galegos, o Revenidas contará cunha nutrida presenza de bandas chegadas desde Portugal, Bosnia, Italia e Rusia.
Así, Boyanka Kostova e Sinner (mércores 7) darán paso a La Pegatina, Boikot, Gatibu, Suu, Copa Turbo, Ketekalles, Lamontagne & Picoamperio (xoves 8) e a SFDK, Lendakaris Muertos, Talco Moscow Death Brigade, SonDaRúa, Bratzantifa e Grande Amore (venres 9).
O sábado 10 actuarán Tanxugueiras, Baiuca, Dakidarría, Zoo, Dubioza Kolektiv, A Banda da Loba, Ladilla Rusa, Doen, Monoulious Dop e Plectro, mentres que o domingo 11 pecharán o festival Ses, Ortiga, Caamaño & Ameixeiras, Os Terribles de Arousa e Louband.
O director do Revenidas, Xoan Quintáns, destacou que tras dous anos de pandemia o festival recuperará o que, para eles, "é o epicentro da festa", a sardiñada popular do domingo, que estará acompañada dunha representación teatral e dun espectáculo circense.
A programación do festival complétase cos "concertos a bordo", con actuacións en pequeno formato de Antía Muiño, Guadi Galego, Xabier Díaz, Grande Amore, Boyanka Kostova e Cardalda e Dopico, desde un barco con capacidade para doce persoas.
Durante a súa presentación, o alcalde de Vilagarcía, Alberto Varela, destacou a "identidade propia" que adquiriu este festival, ao que definiu como o "máximo expoñente" da música galega e do que celebra que retorne este ano "en todo o seu esplendor".
A directora de Turismo de Galicia, Nava Castro, sinalou que este tipo de festivais "axudan a seguir poñendo o destino Galicia de moda", xa que eventos como o Revenidas "nos fan distintos e únicos e fan que presumamos aínda máis da música galega".
Relacionadas:
-
RADIO.- O pontevedrés Berto lanza 'Sinto' o seu primeiro elepé de composión e produción propia
Por Marisa Ciordia |
-
Máis de 25.000 festivaleiros pasaron polo Revenidas na súa edición máis ampla e concorrida
Por Redacción |
-
Boyanka Kostova pon en pé ao público do Revenidas, que recibirá este xoves a La Pegatina ou Boikot
Por Alejandro Espiño |
-
Xabier Díaz, Guadi Galego, Grande Amore e Boyanka Kostova suben a bordo do barco do Revenidas
Por Redacción |
-
Sés, Ortiga ou Grande Amore completan no Revenidas a "gran festa da música galega"
Por Alejandro Espiño |
-
Boikot, Boyanka Kostova, Gatibu ou SonDaRúa redondean o cartel do Revenidas 2022
Por Redacción |
-
Tanxugueiras e La Pegatina súmanse ao cartel do Revenidas 2022
Por Redacción |