Agridoce bronce de Iván García na final do Grand Prix, ao quedar sen praza olímpica
Por Diego Espiño
Iván García rozou a clasificación para os Xogos Olímpicos de París 2024, pero quedou sen premio na final do Grand Prix celebrada esta fin de semana en Manchester.
Era unha empresa complicada e é que o marinense do Mat's viuse afectado este ano a nivel de ranking por unha lesión de xeonllo. Xa recuperado, lograra ascender ao undécimo posto antes da cita que pechaba a fase de clasificación olímpica, pero só os cinco primeiros levaban o billete a París.
Para conseguilo na final do Grand Prix, que repartía 100 puntos ao gañador, Iván necesitaba xusto iso, levar a medalla de ouro.
O deportista bolseiro no Centro Galego de Tecnificación Deportiva demostrou no gran evento do ano estar de novo ao máximo nivel, e subiu ao podio, pero cun bronce agridoce.
Iván García comezou o seu torneo eliminando un duro rival, o uzbeko Nikita Rafalovich, por un apertado tenteo de 2-1, e remontou despois ante o koreano Sanghyun Kang (2-1) para avanzar ata as semifinais. Alí esperáballe o brasileiro Maicon Siqueria, nun combate na que a presión polo resultado foi unha laxa para o deportista do Mat's, que acabou cedendo por 0-2.
A pesar da decepción a porta de París 2024 non se pecha aínda por completo para o marinense, pero queda a expensas dun duro Preolímpico para o que case non se reparten prazas. Nivel para estar nel demostrou que o ten.
Relacionadas:
-
Iván García queda sen praza olímpica
Por Redacción |
-
Iván García queda a un segundo do ouro no Drácula Open de Bucarest
Por Redacción |
-
Arlet Ortiz e Iván García, eliminados en primeira rolda do Grand Prix de Taiyuan
Por Almu Dapena |
-
Iván García está de volta: Consegue o ouro no Open de Serbia de Taekwondo
Por Redacción |
-
Iván García, sen opcións de podio no Mundial de taekwondo o caer no primeiro combate
Por Almu Dapena |
-
O taekwondista Iván García recibe o apoio da Xunta na súa carreira cara a París 2024
Por Redacción |
-
O taekwondista Iván García, operado con éxito dunha rotura de menisco
Por Redacción |
-
Iván García, disparado ata o segundo posto do ranking olímpico tras a súa prata mundialista: "É unha pasada"
Por Diego Espiño |