Iván García, disparado ata o segundo posto do ranking olímpico tras a súa prata mundialista: "É unha pasada"
Por Diego Espiño
Xa na casa chegado de México, onde se disputou o Campionato do Mundo de Taekwondo, Iván García empeza a ser consciente do conseguido, cunha medalla de prata que lle dispara na ranking olímpico a un ano de que peche a clasificación para París 2024.
"O Mundial é o que máis conta. Eu sumo oitenta e pico puntos, pensaba que me poñía de tres ou de catro pero ao final póñome de segundo, porque a maioría de arriba fallaron", explica desde Marín o deporista do Mat's.
Esa situación colócalle entre os cinco postos que lograrían o pase directo aos Xogos. "É o que queriamos e aí estamos xa", sinala, aínda que sabedor que o máis complicado non é chegar senón manterse neses postos de honra, de feito "en tres semanas xogámonos outros 100 puntos no segundo evento máis importante do ano, e haberá que estar aí tamén fino", explica en relación á final do Grand Prix que terá lugar en decembro en Arabia Saudita.
Precisamente facelo ben as citas do Grand Prix e no Mundial do próximo ano resultará decisivo para tentar amarrar a clasificación olímpica, todo un soño para o que traballa desde casa, con base no Centro Galego de Tecnificación Deportiva.
Volvendo ao Campionato do Mundo celebrado en Guadalaxara, México, Iván empeza a entender agora que "é un resultado que é outro mundo, é unha pasada", aínda que máis aló da medalla "quedo co ben que o fixen e con saber que podo chegar a esta tipo de eventos e facer as cousas para gañar".
Aínda así recoñece que queda a espiña cravada de non conseguir un ouro mundial que viu moi preto contra o mexicano Carlos Sansores. "Estaba para comerme a ese tío, e considero que se o combate chega ao terceiro round gáñolle", pero "xestiono mal o combate", asegura con autocrítica pese ao bo resultado, que chegou ademais tras superar en cuartos de final un momento moi delicado cando "o rival méteme un puño na cara e déixame seco, estiven case dous minutos tirado no chan".
Levantouse, co espírituo de loita que lle caracteriza, para superar o que era segundo cabeza de serie do torneo (o brasileiro Maicon Siqueira) e dar todo un golpe de efecto no ranking. Queda moito, pero o marinense é consciente de que o soño olímpico está máis na súa man que nunca.
Relacionadas:
-
Agridoce bronce de Iván García na final do Grand Prix, ao quedar sen praza olímpica
Por Diego Espiño |
-
O taekwondista Iván García recibe o apoio da Xunta na súa carreira cara a París 2024
Por Redacción |
-
O taekwondista Iván García, operado con éxito dunha rotura de menisco
Por Redacción |
-
O Mat's de Marín triunfa no campionato galego de taekwondo
Por Redacción |
-
O taekwondo galego reúnese en Marín
Por Redacción |
-
A Deputación celebra os éxitos de Iván García e Sergio Troitiño
Por Almu Dapena |
-
Baño de prata para Iván García no mundial de taekwondo
Por Manu Otero |
-
O Grand Prix de Mánchester resísteselle a Iván García
Por Redacción |
-
Iván García, un marinense convencido de poder chegar aos Xogos: "Vai estar na miña man"
Por Diego Espiño & Mónica Patxot |