O Mat's de Marín triunfa no campionato galego de taekwondo
Por Redacción
O Club Mat's de Marín organizou a pasada fin de semana o campionato galego absoluto de taekwondo, no que se proclamou campión tanto en categoría masculina como feminina.
Ao máis alto do podio instalado no pavillón da Raña subíronse Silvia Otero, Arlet Ortiz, Damián Garrido e Sergio Troitiño, mentres que a prata lográrona Yadira Raimúndez, Inés González e Adrián Quintela. O taekwondista máis laureado do equipo marinense, Iván García, tivo que conformarse esta vez cun bronce.
Desde o club poñen de relevancia a calidade de todos os participantes, pero destacan principalmente o rendemento de tres deportistas locais como Carlos Novo, que debutou nun campionato absoluto; Silvia Otero que completou un campionato extraordinario; e Sergio Troitiño, dominador en todos os seus combates nunha categoría de peso superior á súa.
A nota negativa púxoa Iván García, que tivo que retirarse de forma prematura por unhas molestias. Aínda así, foi capaz de facerse co bronce.
A xornada concluíu coa tradicional entrega de medallas, que estivo precedida polo merecido recoñecemento a tres dos deportistas máis destacados do equipo marinense como son Sergio Troitiño, Arlet Ortiz e Iván García.
MACE SPORT
Tamén brillaron con luz propia os taekwondistas do Mace Sport Sara Cortegoso e Adrián Pan para proclamarse campións autonómicos no seu peso e conseguir o paso directo ao campionato de España absoluto representando a Galicia.
Do mesmo xeito, destacaron as actuacións de Jose Abollado, Juan Manuel Palacios ou Uxía Ojea para facerse co bronce.
Relacionadas:
-
Adrián Pan, taekwondista do Mace Sport, proclámase campión de España universitario
Por Redacción |
-
Sergio Troitiño conquista o bronce no Open de Holanda de taekwondo
Por Redacción |
-
Bronce para Arlet Ortiz no Open de Bulgaria para seguir escalando no ranking
Por Manu Otero |
-
Sara Cortegoso e Arlet Ortiz conseguen unha medalla de bronce na Presidents Cup de Turquía
Por Redacción |
-
O taekwondista Iván García, operado con éxito dunha rotura de menisco
Por Redacción |
-
Iván García, disparado ata o segundo posto do ranking olímpico tras a súa prata mundialista: "É unha pasada"
Por Diego Espiño |
-
Baño de prata para Iván García no mundial de taekwondo
Por Manu Otero |
-
O Grand Prix de Mánchester resísteselle a Iván García
Por Redacción |
-
Sergio Troitiño proclámase en Letonia campión de Europa júnior de taekwondo
Por Redacción |