Nerea Liste e os seus números de 'MVP' ata nos días complicados
Por Redacción
Se hai algo que non falla esta tempada no Club Baloncesto Arxil de Liga Feminina 2 é a regularidade de Nerea Liste, convertida en líder do equipo pontevedrés ata nos seus días máis difíciles.
Así ocorreu de feito a fin de semana nun encontro que supuxo unha dura derrota das pontevedresas, en Valladolid, por 74 a 65.
Nese partido Liste sumou uns impresionantes números de 21 puntos, 10 rebotes, 4 asistencias e 6 faltas recibidas para un total de 34 puntos de valoración. Cifras que aínda que non lle valeron nesta ocasión o MVP da xornada (leva dúas este curso), si a puxeron no quinteto ideal como mellor pívot.
Nerea, de 20 anos, consolidouse nunha tempada na que encabeza o ranking de xogadora máis valorada do Grupo A despois de 18 xornadas, con 21,5 puntos de valoración media.
A xogadora do Arxil é ademais a mellor reboteadora (11,39 rebotes por partido).
Toda unha referencia para un equipo que marcha na cuarta posición do seu grupo e en postos de play-off con dous triunfos de marxe sobre o seu inmediato perseguidor. Unha posición de privilexio que tentarán defender coa visita a próxima xornada ao CGTD (sábado 24, 18.30 horas) presisamente dun dos seus perseguidores, o GEiEG.
Relacionadas:
-
O Arxil gaña en Avilés e saca billete para o play-off (44-53)
Por Redacción |
-
O Arxil aférrase á vitoria ante o Magectias (63-59)
Por Redacción & Cristina Saiz |
-
O Arxil faise co derbi ante o Maristas (63-69)
Por Redacción |
-
Sufrida vitoria do Arxil ante o Geieg (64-57)
Por Redacción & Cristina Saiz |
-
Dura derrota do Arxil na casa dun Ponce Valladolid en postos críticos (74-65)
Por Redacción |
-
Dominio do Arxil e vitoria ante o Barna (78-45)
Por Redacción |
-
O Arxil conquista a cancha do líder Segle XXI (61-70)
Por Redacción |
-
O Arxil leva o derbi ante o Cortegada (52-48)
Por Redacción & Cristina Saiz |