Derrota do Waterpolo Pontevedra no último suspiro (14-15)
Por Redacción & Cristina Saiz
O Club Waterpolo Pontevedra regresou, despois de tempada e media, á piscina olímpica de Ponte Muíños para medirse ao CNC Alcorcón, equipo que ocupa o primeiro posto da fase pola permanencia en Primeira División Nacional.
O conxunto madrileño, a pesar de ser líder, tivo serios problemas para superar ás locais, que pelexaron con todas as súas forzas e desgastáronse na piscina para finalmente terminar morrendo na beira por un gol no último minuto.
O duelo estivo marcado pola igualdade, e non foi ata o terceiro cuarto cando se produciu a maior diferenza ata o momento e foi a favor do Alcorcón (5-7).
Aínda quedaba moito partido por diante e as pontevedresas non se renderon. Valentina reduciu diferenzas, pero dúas expulsións nas filas do Waterpolo Pontevedra aproveitounas o equipo rival para poñer máis terra polo medio e subir a diferenza a tres goles (6-9).
No último cuarto a renda foi a máis e elevouse a cinco goles (8-13), Irene Esteban volveu apertar o resultado e Daniela Pajares foi expulsada.
Kike García parou o tempo, e entre Andrea Andión e Carmen Carrera encargáronse de empatar (14-14). Pero aínda quedaban seis segundos por disputarse. Adrián Abad pediu tempo morto e nunha rápida acción no último segundo, Patri Fernández fixo o último tanto que deu a vitoria ao Alcorcón.
Consulta a acta nesta ligazón
Relacionadas:
-
A permanencia, a tiro para o Waterpolo Pontevedra (12-11)
Por Redacción |
-
O Waterpolo Pontevedra cae en Rías do Sur contra o Leioa (9-12)
Por Redacción |
-
Gran final de partido do Waterpolo Pontevedra en Zaragoza para facerse coa vitoria (11-13)
Por Redacción |
-
O waterpolo regresa a Rías do Sur
Por Diego Espiño |
-
Vitoria clave para o Waterpolo Pontevedra na súa loita pola permanencia (11-14)
Por Redacción |
-
O Waterpolo Pontevedra inicia a fase pola permanencia en Primeira Nacional
Por Redacción |
-
Alberto López Penide asume a presidencia do Waterpolo Pontevedra: "Gustaríanos subir o equipo masculino"
Por Diego Espiño |