A síndrome dos últimos minutos volve atacar ao Ribadumia en Redondela (2-1)
Por Redacción
Oitava xornada consecutiva sen coñecer a vitoria para un Ribadumia que non levanta cabeza. Esta vez acariñou o empate en Santa Mariña, fronte ao Choco, pero deixou escapar un punto de novo nos minutos finais, en algo que se está convertendo en perigoso costume para os de Sierra
O cadro aurinegro non explotou a súa superioridade numérica entre a expulsión, no minuto 37, do xogador local Xosé Ramón e a de Pacheco, no 70, que nivelaba forzas, encaixando o empate a falta de dous minutos, nunha xogada na que reclamaron man e fóra de xogo.
Silva adiantaba aos locais aos 19 minutos, pero Changui conseguía empatar xusto antes do descanso. O partido camiñaba cara á repartición de puntos, pero a falta de dous minutos, o xa tradicional descoido do Ribadumia custáballe encaixar o gol que lles facía perder o partido, nun remate de Óscar Pérez.
A derrota, unida ao empate cultivado polo Ribadeo en Vilagarcía, deixa ao Ribadumia como pechacancelas en solitario da categoría, e os que é peor, a unha distancia xa de sete puntos dos postos de permanencia.
Consulta aquí a acta do partido.
Relacionadas:
-
As expulsións lastran ao Ribadumia ante o Galicia Mugardos (1-1)
Por Redacción |
-
Osíxeno para o Ribadumia coa súa vitoria (1-3) en Negreira
Por Redacción |
-
Leve respiro do Ribadumia tras golear (3-0) ao Silva
Por Redacción |
-
Pacheco, Cardeñosa e Adrián Camiño, coa Selección Galega na Copa de Rexións UEFA
Por Redacción |
-
O Ribadumia deixa escapar os puntos ao permitir a remontada do Barbadás (1-2)
Por Redacción |
-
Derrota con polémica final do Ribadumia (1-2) ante Rápido de Bouzas
Por Redacción |