O estado de Gabe Rogers, preocupación do Peixe Galego ante a visita do Ciudad de Valladolid
Por Redacción
As posbilidades de ascenso para o Peixe Galego pasan pola Raña e no club marinense son conscientes diso, de aí a importancia que dan ao choque deste sábado (19:30 horas) ante o Ciudad de Valladolid.
Gañando os tres partidos que lle restan como local, os de Javi Llorente acariñarían a proeza do salto de categoría sen pensar no que faga o seu principal rival, o Araberri. Ademais eses partidos son, a priori, ante rivais alcanzables, aínda que o técnico 'peixe' non se fía.
Ante os valisoletanos, duocémicos clasificados e que só gañaron un partido a domicilio esta tempada, os de Marín saltarán á cancha sabendo o que fixo Araberri, pero queren centrarse en asegurar un triunfo que pode resultar vital ante un rival que xa lles puxo complicadas as cousas na ida (81-90).
A principal dúbida para o Peixe Galego é o estado físico de dous dos puntais do equipo, Gabe Rogers e Gregorio Adón. No caso de Rogers, principal referencia ofensiva, unha inflamación no xeonllo mantívolle á marxe do grupo durante a semana, pero descartada unha lesión grave espérase que poida axudar aos seus compañeiros desde a pista da Raña.
Peor prognóstico é o de Adón, que segue recuperándose dunha rotura de fibras polo que o seu concurso o sábado se antolla complicado.
Relacionadas:
-
Marín Peixe Galego vence na prórroga en Granada (81-86) e queda a un triunfo do ascenso a LEB Ouro
Por Redacción |
-
O Peixe Galego acariña o ascenso tras dobregar un combativo Valladolid (90-83)
Por Redacción |
-
Unha canastra de Carlos Noguerol, a falta de 9 segundos, decide o derbi entre Xuven e Marín Peixe Galego (73-74)
Por Redacción |
-
Modou Mbaye, reforzo sorpresa do Peixe Galego para pelexar polo ascenso
Por Diego Espiño |