O ximnasio de Campolongo reabre as súas portas o 22 de xuño
Por Redacción
O Centro Deportivo Municipal de Campolongo BeOne reabre as súas portas o 22 de xuño. Despois de permanecer pechado tres meses ao público como consecuenta da declaración do estado de alarma pola pandemia do Covid-19, o complexo reúne xa todos os requisitos para prestar servizo aos seus usuarios con plenas garantías de seguridade.
Para conseguilo, a dirección do centro adaptou as súas instalacións para cumprir con todas as esixencias estatais, comunitarias e locais adoptando unha serie de protocolos propios para garantir o benestar e seguridade. Entre elas, destaca o reforzo en hixiene, limpeza e desinfección, a toma de temperatura no acceso, a renovación constante de aire e a desinfección continua de filtros de ventilación, os puntos de desinfección de calzado e mans, o horario preferente para maiores de 65 anos ou o control de aforo para poder respectar sempre a distancia de seguridade mínima entre usuarios.
Todas as medidas aplicadas poden consultarse na páxina web www.beone.es/volvemos.
Na zona de auga, tanto en piscinas como spa, reforzáronse ao máximo as medidas de desinfección e limpeza e contrólanse exhaustivamente os parámetros técnicos nestes espazos.
Todo o persoal do centro recibiu formación en medidas de seguridade da Covid-19 e en áreas específicas tanto técnicas como comerciais co fin de poder ofrecer aos abonados unha gran experiencia deportiva.
Doutra banda, BeOne compensará os servizos pagos e non gozados do mes de marzo e permitirá o acceso gratuíto dos seus usuarios que non se deron de baixa durante o peche ata o 1 de xullo. Ademais durante todo o verán as actividades dirixidas de adultos en auga e seco serán gratuítas e reservables a través da aplicación.
Relacionadas:
-
A piscina de Campolongo estrea un dispositivo que mide o seu rendemento e garante a súa seguridade
Por Manu Otero |
-
Denuncian falta de luz e mal estado das beirarrúas en Campolongo: "pones mal el bastón y te vas al suelo"
Por Almu Dapena & Mónica Patxot |
-
As instalacións deportivas municipais seguirán pechadas en xuño
Por Redacción |
-
Os box de crossfit serán os primeiros centros de adestramento en abrir en Pontevedra
Por Manu Otero & Mónica Patxot |
-
A concesionaria do ximnasio de Campolongo advirte ao Concello da imposibilidade de execución temporal do contrato
Por Oskar Viéitez |
-
O ximnasio de Campolongo conxela as cobranzas e devolverá as cotas dos servizos non prestados
Por Redacción |
-
Os ximnasios tamén pechan debido ao avance do coronavirus
Por Redacción |
-
As novas piscinas de Campolongo abrirán ao público o 1 de outubro tras 6 meses de reforma
Por Redacción |