Estadio Municipal de Pasarón

Un sorteo ante notario para decidir que 300 afeccionados do Pontevedra poderán acudir á partida fronte Unionistas

Por Redacción
Venres 23 de Outubro, 2020 ás 14:02 do Venres 23 de Outubro, 2020

A nova normativa autonómica relativa á contención da pandemia de Covid-19, publicada a última hora do mércores no Diario Oficial de Galicia (DOG), obrigou ao Pontevedra Club de Fútbol a reorganizar os seus plans de fronte ao que será o seu debut na casa esta tempada.

Segundo ese texto non poderán ser máis de 300 os espectadores que acudirán ao Estadio Municipal de Pasarón para presenciar en directo o choque fronte a Unionistas (domingo, 17.00 horas).

A entidade granate confirmou a autorización da Dirección Xeral de Saúde Pública para chegar a esa cifra, debido a que sen ese permiso a asistencia tería que ser só de 150 seguidores.

Todo un problema para o club, que aspiraba a dar cabida a todos os seus abonados, e que decidiu saír ao paso cun sorteo ante notario para decidir que socios, entre renovacións e novas altas xa aceptadas, poderán acudir ao partido.

¡Importante!

La Dirección Xeral de Saúde Pública nos autoriza un aforo de 300 espectadores en #Pasarón para el partido del domingo contra el @UnionistasCF.

Esta tarde se celebrará ante notario un sorteo entre todos los abonos renovados hasta la fecha y altas admitidas. https://t.co/x4Vg3h9UMS
— Pontevedra CF (@PontevedraCFSAD) October 23, 2020