Toni Otero, confirmado como novo director deportivo do Pontevedra
Por Diego Espiño
O Pontevedra Club de Fútbol desvelou ao fin una das principais incógnitas que o rodeaban nas últimas semanas, especialmente tras a conclusión da liga, a do encargado de confeccionar o seu novo proxecto deportivo.
O elixido foi finalmente Toni Otero, ex-futbolista do club durante cinco tempadas (97/98 a 01/02).
Desde a súa retirada dos terreos de xogo Otero traballou como responsable de canteira do Celta de Vigo e nas direccións deportivas de Lugo e Las Palmas, na Segunda División, a última delas ata hai só un ano. Ademais traballou para a secretaría técnica do Fútbol Club Barcelona.
Agora nas súas mans estará substituír a Roberto Feáns como responsable na planificación deportiva do Pontevedra co obxectivo de devolvelo canto antes, como mínimo, á terceira categoría do fútbol nacional. Para iso terá moito traballo por diante, empezando por confirmar quen será o adestrador a próxima tempada e seguindo por un plantel na que só cinco xogadores contan con contrato en vigor.
No que respecta ao técnico, a contratación de Toni Otero achega ao banco de Pasarón a David Sierra, home da súa confianza co que xa traballou no Celta de Vigo antes de que o preparador asumise o banco de Ribadumia na Terceira División.
Toni Otero será presentado oficialmente o vindeiro luns 7 de xuño no Estadio Municipal de Pasarón.
Relacionadas:
-
Primeiros pasos para o Pontevedra 21/22
Por Diego Espiño |
-
A Segunda RFEF empeza a aclararse: Ascenso para o campión de grupo e catro prazas de play-off
Por Diego Espiño |
-
Toni Otero aterra no Pontevedra "con la ilusión de un niño pequeño cuando vuelve a su casa"
Por Diego Espiño & Mónica Patxot |
-
Rufo xa pensa na próxima tempada co Pontevedra: "El club cuenta conmigo y yo quiero seguir"
Por Diego Espiño |
-
Cinco futbolistas con contrato e moitas incógnitas no novo proxecto do Pontevedra
Por Diego Espiño |
-
Charles oficializa a súa continuidade en Pasarón cunha mensaxe de perdón cara á afección granate
Por Manu Otero |