Segundo empate no que vai de ano para o Tenis de Mesa Monte Porreiro, que non pudo superar este venres ao San Sebastián de los Reyes. para conformarse cun punto que o mantén na terceira posición do grupo 2 da Superdivisión masculina con 6 puntos.

O conxunto pontevedrés viviu esta xornada un duelo igualado que se decidiu no último suspiro.

Con Ilia Isakov e Andrei Baibuldin estaba en xogo o primeiro punto da tarde, que caeu a favor do xogador local tras sentenciar no último e quinto xogo (11-7, 8-11, 9-11, 11-8, 11-9).

Cos triunfos de Martín Bentancor e de Nicolás Galvano sobre Artur Tomasz e Rafael de las Heras respectivamente, o Monte Porreiro deu a volta ao marcador. Non tiveron problemas os pupilos de Nando Álvarez para superar aos seus opoñentes, logrando senllos 0-3 para colocar o 1-2 global.

O San Sebastián de los Reyes igualou de novo a contenda co triunfo de Andrei Baibuldin sobre Martín Bentancor, nun enfrontamento que se decidiu por un 3-0 que foi máis axustado do que indica o resultado final (11-7, 11-9, 11-7).

Ilia Isakov foi o seguinte en saltar á pista para medirse a Rafael de las Heras, gañando o xogador visitante tras un duelo tan igualado como o estaba sendo a xornada (7-11, 7-11, 9-11).

O Monte Porreiro tiña en Nico Galvano a oportunidade de asinar a primeira vitoria do ano, pero o conxunto local reaccionou con Artur Tomasz. Iso si, o arxentino estivo a piques de levar o triunfo, que se decidiu finalmente no quinto xogo (12-10, 11-13, 11-5, 12-14, 11-9).

Finalmente, 3-3 e repartición de puntos entre madrileños e pontevedreses, que xogarán a próxima xornada no Príncipe Felipe contra o líder invicto Asisa Borges Vall. Será o 30 de xaneiro ás 11:00 horas.

Consulta a acta do San Sebastián de los Reyes-TM Monte Porreiro