Churre pérdese a 'final' de Navalcarnero, con outros tres granates en risco de suspensión
Por Diego Espiño
Un dos homes importantes no esquema do Pontevedra Club de Fútbol, Víctor Vázquez 'Churre', perderase a próxima xornada de liga cos granates por sanción.
O central marinense viu nos últimos minutos do partido ante o Unión Adarve a que é a súa quinta tarxeta amarela do ciclo polo que se expón a un partido de suspensión que cumprirá no importante duelo do domingo 3 de abril no campo do Navalcarnero, terceiro clasificado.
Será un contratempo para Ángel Rodríguez, xa que sempre que estivo dispoñible foi titular perdéndose un único partido de liga ata a data, pola súa expulsión en Langreo.
Aquela ausencia na xornada 15 ante o Ceares foi cuberta por Samu Santos (triunfo por 3-1), sendo ata a data o seu único encontro de liga no once inicial. Tamén o outro central do equipo Pacheco, xogou un encontro de saída. Entre eles estará previsiblemente o compañeiro de David Soto na zaga para ese importante encontro en terras madrileñas.
Ademais da sanción de Churre, outros tres xogadores do Pontevedra están ao bordo da suspensión ao unirse Charles á lista de apercibidos na que xa figuraban Brais Abelenda e Diego Seoane.
Relacionadas:
-
Golpe enriba da mesa do Pontevedra en Navalcarnero (0-2) para poñerse a un punto do liderado
Por Diego Espiño |
-
Navalcarnero, duro test para as aspiracións do Pontevedra: "Teño a sensación de que vai ser un partido de goles"
Por Diego Espiño |
-
O Mariano González, un estadio de grato recordo para o Pontevedra e para Álex González
Por Diego Espiño |
-
Competición acepta o recurso do Pontevedra e invalida a quinta amarela de Churre
Por Diego Espiño |
-
Yelko Pino, convencido de que "se gañamos os sete partidos que quedan imos ser campións"
Por Diego Espiño |
-
A diferenza de goles, un factor que pode decidir o ascenso
Por Diego Espiño |
-
O Pontevedra honra o seu eterno capitán cunha épica remontada diante do líder (3-2)
Por Manu Otero & Cristina Saiz |