O Salamanca sentencia o Arosa na primeira parte (4-0)
Por Redacción
Dolorosa derrota con goleada a vivida polo Arosa este domingo en Salamanca. O equipo arlequinado non soubo reaccionar ao xogo do rival e viuse excedido en todo momento.
Saíu moi pouco agresivo o Arosa ao terreo de xogo, mentres o Salamanca tomaba as rendas e xeraba certo perigo na portería de Álex Cobo.
Tivo a mellor o cadro local cando se alcanzaba o primeiro cuarto de hora cun pase en longo de Juancho a Iban, pero este non puido gañarlle a partida ao gardameta arlequinado.
Dominaba o Salamanca e o Arosa víase cada vez máis excedido, sen ser capaz de reaccionar ás chegadas do rival nin xerar perigo na área contraria.
E en tan só 5 minutos o partido púxose totalmente de fronte para os salmantinos. Juancho, por partida dobre, soubo aproveitar os erros defensivos do Arosa e enchufó o balón na rede defendida por Cobo e deixou tocado e afundido aos xogadores de Jorge Otero.
Abriu espazos o Arosa en busca da reacción antes de alcanzar o descanso, pero o Salamanca reapareceu para sentenciar por mediación de Menéndez no tempo engadido.
A segunda parte seguiu a mesma liña de desastre por parte dos de Vilagarcía. Non dispararon nin unha soa vez a portería rival e fóronse bloqueando cada vez que pasaban os minutos.
Dominou o Salamanca en todo momento aínda que sen xerar perigo. Só no minuto 90, co partido xa terminado, apareceu Mikel para anotar o 4-0 e redondear a goleada.
Este resultado deixa moi tocado a un Arosa que precisa dunha reacción urxente nas cinco finais que restan para concluír a tempada e salvar a categoría.
Relacionadas:
-
Un penalti no desconto condena o Arosa en casa do Compostela (2-1)
Por Almu Dapena |
-
Martín Diz, un vilagarcián que se estrea na Lomba... de visitante: "Vai ser especial"
Por Diego Espiño |
-
Luisito desembarca no Arosa para o que queda de tempada e unha máis: "Non é unha situación insalvable"
Por Diego Espiño |
-
O Arosa declara o derbi co Pontevedra como "medio día de axuda ao club"
Por Redacción |
-
Jorge Otero, destituído como adestrador do Arosa: "Oxalá que o equipo consiga o obxectivo"
Por Diego Espiño |
-
O Arosa, a por outra final pola permanencia en Salamanca: "É un partido importante pero non definitivo"
Por Almu Dapena |
-
Triunfo vital para o Arosa á conta do pechacancelas Ceares (3-1)
Por Almu Dapena |
-
O Arosa rescata un punto contra o Langreo pero segue en apertos (1-1)
Por Redacción |