Obxectivo cumprido para os equipos da Gimnástica, que selan a permanencia en División de Honra e Primeira División
Por Almu Dapena
Fin de semana redonda para a Sociedad Gimnástica de Pontevedra, que selou a súa permanencia cos seus equipos masculino e feminino en División de Honra e Primeira División respectivamente.
O cadro masculino tiña case no peto competir un ano máis en División de Honra, e conseguírono asinando unha gran actuación en Madrid onde se fixeron co primeiro posto por equipos con 111 puntos. Segundo foi o Tenerife con 108 puntos e terceiro o Suco Lucena con 105.
Este resultado foi posible grazas aos primeiros postos de Oriol Madi (100 m), Iñaki Cañal (400 m), Manuel Anxo Simón (disco), Pablo Bocelo (1.500 m) e as medallas de prata logradas por Anxo Blanco (triplo salto), Carlos Revuelta (martelo), Daniel Chamosa (5.000 marcha), a remuda 4x100 formada por David Abalde, Oriol Madi, Jordi Fossas e Sergio Rodríguez e a remuda 4x400 composta por David Abalde, Ignacio Sarmiento, Roberto Tello e Iñaki Cañal.
O equipo feminino, pola contra, tiña máis complicado conseguir o seu obxectivo, pero fixo os deberes en Monzón e logrou un quinto posto con 95,5 puntos que lle permite salvar a categoría.
A medalla de ouro de Lucía Ferrer (100 m valos); as de prata de Isabel Caeiro (3.000 obstáculos), Andrea Villaverde (lonxitude), Andrea González (xavelina) e Antía Chamosa (5.000 m); e as de bronce de Cristina Garrido (100 m), Eugenia Gil (400 m) e Claudia Puig (martelo), foron suficientes para conseguir o obxectivo e competir un ano máis en Primeira División.
Relacionadas:
-
Iñaki Cañal, da Gimnástica, contribúe ao cuarto posto da remuda española no europeo de Múnich
Por Redacción |
-
A Gimnástica pon en marcha un novo curso da súa Escola de Atletismo
Por Redacción |
-
Peche ao grande do Circuito de Atletismo en Pista co XLVI Trofeo Virxe Peregrina
Por Redacción |
-
Homenaxe a Santi Ferrer polos seus 50 anos na Gimnástica: "Como adestrador, o teu soño é que algún atleta do que adestras chegue o máis alto"
Por Almu Dapena |
-
Os irmáns Chamosa establecen un novo récord galego nos 10 quilómetros marcha
Por Redacción |
-
Madrid e Monzón, sedes das finais pola permanencia para os equipos da Gimnástica
Por Redacción |
-
A Gimnástica achégase á permanencia en División de Honra masculina cun segundo posto en Barcelona
Por Diego Espiño |
-
Dobrete de bronce para a Gimnástica na primeira xornada de liga
Por Cristina Saiz & Almu Dapena |
-
Os irmáns Chamosa derruban en Eslovaquia as portas do Europeo e o Mundial de marcha
Por Redacción |