Pontevedra, preparada para ser sede da loita mundial durante as próximas dúas semanas
Por Redacción
Pontevedra e o seu Pavillón Municipal están listos para converterse durante as próximas semanas en sede da loita mundial coa celebración dos mundiais de Grappling nas categorías Sub-17, Sub-20 e Absoluta, e de Loitas Olímpicas Sub-23. Espérase a presenza de máis de 1.200 loitadores que empezarán a chegar á Boa Vila a partir deste mesmo luns.
Os mundiais de Grappling, que chegan por primeira vez a España, serán os encargados de abrir a competición o mércores 12 coas probas dos máis novos, finalizando o sábado 15 coas finais absolutas e a cerimonia de clausura.
Será unha cita histórica para a loita galega xa que é a primeira vez que competirán seis galegos nunha competición mundialista. Os elixidos para esta ocasión son Vanesa Muiños do Club IQ Fight de Porriño; María José Raja, Ramón Placer e Marcos González do Club Sportfight de Ferrol; Pablo Vázquez do Club Graiño da Coruña; Jose Manuel Eyo do Club CAMM de Santiago de Compostela.
A semana seguinte, Pontevedra volverá ser o epicentro mundial cos mundiais de Loitas Olímpicas Sub-23, onde se espera a presenza de 800 inscritos dun total de 70 países.
Os deportistas empezarán a chegar o sábado 15 para comezar ao día seguinte coas primeiras probas. O mundial finalizará o 23 de outubro coas finais e as cerimonias protocolarias.
Para esta ocasión, a referente da Selección Española será a galega Nerea Pampín (-65 kg) do Club Keltoi de Vila de Cruces, que espera conseguir a mesma repercusión que no Europeo Sub-20 celebrado tamén en Pontevedra no ano 2019.
Pampín, que se adestra no Centro Galego de Tecnificación Deportiva de Pontevedra, quedou na quinta posición no Campionato de Europa Sub-23 en -65 kg, pero espera ter un mellor resultado neste mundial chegando e mesmo loitar polas medallas.
Relacionadas:
-
Voluntarios, servizos, infraestruturas... o que non se ve dos mundiais de loita de Pontevedra
Por Diego Espiño & Mónica Patxot |
-
Pontevedra inaugura o Mundial Sub23 de Loita mirando cara ao futuro: "Agardamos acoller algún Europeo absoluto"
Por Diego Espiño & Mónica Patxot |
-
España pecha o Mundial de grappling e grappling-gi con 44 medallas
Por Redacción |
-
Choiva de medallas para España nas primeiras xornadas dos mundiais de loita
Por Manu Otero |
-
Yui Susaki, unha campioa olímpica e mundial que busca en Pontevedra o 'Grand Slam' da loita
Por Diego Espiño |
-
Nove mundiais, setenta países e 1.100 deportistas para "o evento de loita máis importante da nosa historia"
Por Manu Otero & Mónica Patxot |
-
Retoques finais ás obras de Pavillón Municipal dos Deportes
Por Diego Espiño & Mónica Patxot |
-
Os mundiais de loitas olímpicas e Grappling traerán a 1.100 deportistas de 80 países a Pontevedra durante dúas semanas
Por Manu Otero |
-
Conceden a Pontevedra a organización do Mundial de Loita Sub-23 en 2022
Por Diego Espiño |