Un adestramento á vista de centos de escolares
Por Diego Espiño
O Pontevedra Club de Fútbol viviu este martes un adestramento especial, coa presenza do mellor público posible.
O club granate programou a súa segunda sesión semanal no segundo campo do Complexo Deportivo Manolo Barreiro da Xunqueira, coincidindo coa celebración nas inmediacións do Campionato Zonal Escolar de Campo a través que daba inicio ao programa Xogade.
Na xornada deportiva estaban chamados a participar 1.576 escolares de 7 a 15 anos procedentes de 16 centros educativos de Pontevedra, Marín e Poio, polo que moitos deles, entre carreira e carreira, aproveitaron para presenciar as evolucións dos futbolistas.
Con algunha camiseta granate mesmo presente e algún ánimo, especialmente para Charles, os mozos aproveitaron ao máximo a oportunidade.
Toda unha xornada de portas abertas improvisada que encheu de ambiente festivo a sesión e que aínda que dificultou por momentos as explicacións do corpo técnico serviu para achegar ao equipo aos que teñen que ser os seus afeccionados no presente e o futuro.
Relacionadas:
-
O Reino de León, un escenario que se lle resiste ao Pontevedra
Por Diego Espiño |
-
Álvaro Cortés: "Hai que ter tranquilidade, cremos que as cousas van ir saíndo"
Por Diego Espiño |
-
Samu Araújo, único futbolista a menor ritmo no Pontevedra
Por Diego Espiño |
-
Multitudinaria xornada deportiva na Illa das Esculturas co Campionato Escolar Zonal de Campo a través
Por Diego Espiño |
-
Derik Osede, un máis no día a día do Pontevedra
Por Diego Espiño |
-
Viaxe organizada por 45 euros para acompañar o Pontevedra a León
Por Redacción |
-
Antonio Fernández busca o seu once: oito xornadas con oito aliñacións diferentes
Por Diego Espiño |
-
Antonio Fernández: "Teño que dar un reforzo positivo ao equipo, que demostrou caste, creu ata o final e non baixou os brazos"
Por Almu Dapena & Cristina Saiz |
-
O Pontevedra salva un punto 'in extremis' ante un superior Celta B (1-1)
Por Almu Dapena & Cristina Saiz |