O CW Pontevedra despide unha histórica e exitosa tempada con derrota
Por Redacción
O Club Waterpolo Pontevedra pechou este sábado na piscina da Escola Naval Militar a histórica tempada do seu debut en categoría nacional. Non puideron despedirse con vitoria, pero a campaña foi histórica por lograr a permanencia e mesmo clasificarse para a fase polo ascenso a División de Honra.
O último convidado da tempada foi o Ciudad Lineal que, sen máis nada que a honra en xogo, foi superior ao equipo local e fíxose cun merecido triunfo por 12 a 17.
As visitantes inclinaron a balanza cara ao seu lado moi pronto con tres tantos consecutivos ao comezo do primeiro cuarto. Trataron de reaccionar as de Kike García, que chegaron a igualar o marcador pero terminaron o primeiro acto cun tanto de desvantaxe.
Con todo, no segundo cuarto o equipo madrileño sentenciou o partido con tres tantos consecutivos xusto antes do descanso.
Con catro goles de desvantaxe, as locais tentaron reaccionar, pero o Ciudad Lineal non só soubo administrar a súa vantaxe senón que a ampliou para adxudicarse unha contundente vitoria que non embaza o gran traballo realizado polo CW Pontevedra no ano do seu debut.
Relacionadas:
-
En marcha o segundo proxecto do Waterpolo Pontevedra en Liga Nacional
Por Diego Espiño |
-
O Waterpolo Pontevedra, sen piscina para competir en Nacional: "Hai máis posibilidades de seguir en Marín que de xogar na Olímpica"
Por Diego Espiño |
-
Kike García, técnico do Waterpolo Pontevedra, recibe a invitación da RFEN para participar nunha concentración da selección xuvenil masculina
Por Redacción |
-
Karla Hernández e Alejandra Gallegos non continuarán nas filas do Waterpolo Pontevedra
Por Redacción |
-
O equipo masculino do Waterpolo Pontevedra recupera o cetro autonómico catro anos despois
Por Redacción |
-
Derrota pola mínima do Waterpolo Pontevedra ante o Iruña (13-14)
Por Redacción |
-
Os problemas en ataque condenan o Waterpolo Pontevedra ante o CN Molins (9-5)
Por Redacción |