En marcha o segundo proxecto do Waterpolo Pontevedra en Liga Nacional
Por Diego Espiño
Ao tallo. O equipo feminino abosluto do Club Waterpolo Pontevedra iniciou este luns 21 de agosto a pretempada da que será a súa segunda campaña consecutiva en categoría nacional.
O conxunto pontevedrés volveu ao traballo nunha sesión en seco celebrada no Complexo Deportivo Rías do Sur de Ponte Muíños, pendente aínda de concretar en que piscina poderá competir, estando practicamente descartada a opción de facelo na Olímpica.
Pero iso será a partir do mes de outubro, xa que a liga na Liga Nacional de Primeira División non comezará ata o día 7 dese mes. Ata entón o plantel adestrado por Kike García buscará afinar a súa posta a punto.
Todo para tentar chegar na mellor forma posible ao comezo dun campionato no que o obxectivo principal volverá ser tentar certificar a permanencia.
O Waterpolo Pontevedra quedou encadrado esta tempada no Grupo B da liga, que constará de 8 equipos. Ao termo da primeira fase, os catro primeiros clasificados xogarán polo ascenso e os catro últimos por eludir o descenso.
O debut ligueiro producirase na casa recibindo ao CW Dos Hermanas andaluz.
Relacionadas:
-
Inicio de liga con vitoria para o Waterpolo Pontevedra contra o Dos Hermanas (14-8)
Por Redacción & Cristina Saiz |
-
O Waterpolo Pontevedra, preparado para estrear tempada en Primeira Nacional no 'desterro' da Escola Naval
Por Redacción |
-
O Waterpolo Pontevedra volve mirar cara a México para reforzar o seu equipo de Primeira Nacional
Por Redacción |
-
Do Waterpolo Pontevedra ao Club Natació Barcelona
Por Redacción |
-
Se queres iniciarte no waterpolo tes unha cita o 6 de setembro
Por Redacción |
-
A balear Marina Sastre, primeiro reforzo do Waterpolo Pontevedra para o seu segundo proxecto en categoría nacional
Por Redacción |
-
O Waterpolo Pontevedra, sen piscina para competir en Nacional: "Hai máis posibilidades de seguir en Marín que de xogar na Olímpica"
Por Diego Espiño |
-
O CW Pontevedra despide unha histórica e exitosa tempada con derrota
Por Redacción |