O Waterpolo Pontevedra, preparado para estrear tempada en Primeira Nacional no 'desterro' da Escola Naval
Por Redacción
Sen acordo para poder usar nos seus partidos a piscina olímpica de Ponte Muíños, o Club Waterpolo Pontevedra prepárase para estrear desde o 'desterro' da Escola Naval de Marín a que será a súa segunda tempada consecutiva na Primeira División Nacional Feminina.
O club pontevedrés recibirá na primeira xornada de competición (sábado, 17.00 horas) o CW Dos Hermanas sevillano, un equipo "con moita experiencia en competición nacional, que poñerá as cousas difíciles", aseguran desde a entidade pontevedresa.
O obxectivo será buscar un primeiro triunfo que supoña o paso inicial cara á permanencia na categoría, principal reto do equipo adestrado por Kike García.
"Esperamos que a piscina marinense se converta nun fortín co apoio do público", asegura o Waterpolo Pontevedra sobre as súas expectativas para a campaña.
Neste sentido cabe lembrar que a entrada aos partidos será de balde durante toda a tempada, pero ao tratarse dunha instalación militar será necesario inscribirse previamente por razóns de seguridade.
Relacionadas:
-
A canadense Capucine Monteil, reforzo para o Waterpolo Pontevedra
Por Redacción |
-
Inicio de liga con vitoria para o Waterpolo Pontevedra contra o Dos Hermanas (14-8)
Por Redacción & Cristina Saiz |
-
O Waterpolo Pontevedra volve mirar cara a México para reforzar o seu equipo de Primeira Nacional
Por Redacción |
-
Do Waterpolo Pontevedra ao Club Natació Barcelona
Por Redacción |
-
A balear Marina Sastre, primeiro reforzo do Waterpolo Pontevedra para o seu segundo proxecto en categoría nacional
Por Redacción |
-
En marcha o segundo proxecto do Waterpolo Pontevedra en Liga Nacional
Por Diego Espiño |
-
O Waterpolo Pontevedra, sen piscina para competir en Nacional: "Hai máis posibilidades de seguir en Marín que de xogar na Olímpica"
Por Diego Espiño |