O dianteiro Charly López, procedente do Zamora, segunda fichaxe do Pontevedra
Por Manu Otero
O Pontevedra avanza na planificación do plantel para a nova tempada. Tan só 24 horas despois de facer oficial a primeira fichaxe do mercado de verán, o club granate confirma unha nova alta. Trátase do dianteiro Charly López que procede do Zamora, ao que chegou o pasado mercado de inverno desde o Bergantiños. Asina en Pasarón por dúas tempadas
Con ambos os equipos competiu en Segunda Federación a pasada campaña anotando un total de 15 goles, nove co cadro galego e seis co castelán leonés.
Trátase dun dianteiro de 27 anos de idade formado na canteira do Racing de Ferrol, co que chegou a debutar no primeiro equipo en Segunda B aínda en idade xuvenil. Tras abandonar A Malata, asinou polo Cerceda en Terceira División contribuíndo con 7 tantos ao ascenso do equipo coruñés a Segunda B na tempada 2016/2017. Na división de bronce, na que se enfrontou ao seu novo equipo, Charly só puido anotar dous tantos a pesar de ser unha peza importante no errado proxecto da escuadra blanquirroja.
Con todo, foi nas Pontes onde explotou como goleador. Primeiro en Preferente e logo en Terceira División ao anotar 23 e 16 tantos en cada unha das dúas tempadas que formou parte do conxunto coruñés. De aí deu o salto ao Bergantiños, onde permaneceu dúas tempadas e medio. Foi o seu bo facer na primeira metade da recentemente concluída tempada a que lle abriu as portas dun dos grandes equipos do grupo I da Segunda Federación, o Zamora.
Ás ordes do actual adestrador do Pontevedra, Charly López anotou seis tantos que permitiron ao equipo clasificarse para a fase de ascenso a Primeira Federación.
Yago Iglesias é bo coñecedor das características do seu novo ariete e tratará de aproveitalas ao máximo no novo proxecto que inicia este ano en Pasarón, na que Charly, por agora, compartirá dianteira con Rufo.
Coa súa chegada do ariete de Ares e do extremo Chiqui, unida á renovación de Churre, pasan a ser once os xogadores con contrato en vigor, uníndose a unha lista na que tamén están Luís Martínez, Ángel Bastos, Yelko Pino, Borja Domínguez, Álex González, Rufo, Oier Calvillo e Víktor Nikolov.
Relacionadas:
-
Benjamín Garay completa a defensa do Pontevedra
Por Manu Otero |
-
Charly López: "Chego no mellor momento da miña carreira, nunca estiven nun club tan grande como o Pontevedra"
Por Manu Otero |
-
Movementos na defensa do Pontevedra: Luís Martínez vaise, Javier Hermelo chega
Por Manu Otero |
-
O Pontevedra fixa catro amigables de pretempada
Por Manu Otero |
-
O centro do campo do Pontevedra refórzase coa chegada de Toño Calvo
Por Manu Otero |
-
O Pontevedra dispón de cinco fichas libres, tres delas sénior, para apontoar o seu proxecto en 2ªRFEF
Por Manu Otero |
-
Eneko Zabaleta: "Marchei cun sabor amargo porque non nos metemos en Primeira Federación"
Por Manu Otero |
-
O central Mario Gómez ficha polo Pontevedra para unha tempada
Por Almu Dapena |
-
Brais Abelenda abandona o Pontevedra e xogará na Ponferradina
Por Almu Dapena |
-
O Pontevedra reforza a súa portería co regreso de Edu Sousa e o ascenso ao primeiro equipo de Manu Vizoso
Por Almu Dapena |
-
O Pontevedra confirma a baixa de doce futbolistas do primeiro equipo
Por Manu Otero |
-
Terceira fichaxe do Pontevedra: regresa Eneko Zabaleta
Por Manu Otero |
-
O central David Soto pecha unha etapa de dous anos en Pasarón
Por Manu Otero |
-
Óscar Castellano 'Chiqui', primeira fichaxe do Pontevedra
Por Diego Espiño |
-
As datas da Segunda RFEF: O Pontevedra iniciará a liga a primeira fin de semana de setembro
Por Diego Espiño |
-
Churre renova por unha tempada co Pontevedra
Por Diego Espiño |