Jéssica Bouzas fai historia e disputará en Wimbledon o primeiro grand slam da súa carreira
Por Manu Otero
A tenista arousá Jéssica Bouzas segue queimando etapas na súa prometedora carreira. Aos seus 22 anos, a vilagarciá fixo historia na fase previa de Wimbledon conseguindo a clasificación por primeira vez para o cadro final dun grand slam.
Para debutar oficialmente sobre a herba do aberto británico, a galega tivo que superar tres duras eliminatorias #ante rivais con mellor posición no ranking WTA que ela. Deixou atrás en primeira rolda á india Rania, en segunda, á francesa Burel; e no terceiro cruzamento eliminou á australiana Gadecki, que xa tiña no seu historial varios partidos en dous dos catro grandes torneos do circuíto.
Ningún dos tres partidos foi sinxelo para Bouzas. Nos dous primeiros comezou perdendo o primeiro set para remontar e vencer con solvencia nos dous posteriores. Con todo, no duelo definitivo, a galega borrou da pista ao seu rival desde o primeiro momento para endosalo un incontestable 6-3, 6-3 nunha hora e cuarto de partido.
Con este triunfo, volverá haber representación da provincia nun grand slam sete anos despois de que a pontevedresa Lourdes Domínguez disputase o seu último partido en Roland Garros.
O nome da rival coa que debutará Bouzas no aberto británico darase a coñecer este venres 30 de xuño.
Relacionadas:
-
Jéssica Bouzas cae na previa do Open de Australia fronte á india Ankita Raina
Por Diego Espiño |
-
Jéssica Bouzas di adeus ao US Open en primeira rolda da fase previa
Por Redacción |
-
Jéssica Bouzas, cada vez máis preto do Top-100 mundial tras facer final no W100 de Maspalomas
Por Diego Espiño |
-
O Torneo de Tenis de Verán de Vilagarcía entra na recta final
Por Redacción |
-
Jéssica Bouzas gaña en Roma e ascende ao posto 136 da Clasificación WTA
Por Ramiro Espiño |
-
Conclúe en primeira rolda o soño de Jéssica Bouzas en Wimbledon
Por Manu Otero |
-
A choiva apraza o debut de Jessica Bouzas en Wimbledon
Por Manu Otero |
-
Jéssica Bouzas debutará en Wimbledon contra a mellor tenista de Ucraína, Anhelina Kalinina
Por Manu Otero |
-
Nova remontada de Jéssica Bouzas, que está a unha soa vitoria de entrar no cadro final de Wimbledon
Por Manu Otero |
-
Jéssica Bouzas avanza a segunda rolda na fase previa de Wimbledon
Por Manu Otero |