Jéssica Bouzas avanza a segunda rolda na fase previa de Wimbledon
Por Manu Otero
A tenista arousá Jéssica Bouzas debutou este martes sobre a herba de Wimbledon con vitoria na primeira rolda da fase previa do prestixioso grand slam británico.
A pontevedresa, que ocupa o posto número 167 do ranking WTA, desfíxose neste primeiro dos tres enfrontamentos que debe superar para meterse no cadro principal da tenista da India Ankita Raina en tres sets (3-6, 7-6 e 6-1).
O encontro durou dúas horas e vinte e seis minutos no que Bouzas comezou perdendo o primeiro set. A fortaleza mental da vilagarciá serviulle para afrontar con personalidade os dous sets posteriores e obrar a remontada. Para igualar contenda tivo que forzar o tie break, mentres que no terceiro e definitivo set desfíxose da súa rival pola vía rápida cun contundente 6-1 pechando o triunfo na súa primeira bóla de partido.
A súa próxima rival será a francesa Clara Buret, cabeza de serie número 8 desta fase previa. Instalada no posto 104 da clasificación WTA, Burel xa sabe o que é disputar a fase final do torneo de Wimbledon. Fíxoo no 2021 e no 2022, sen lograr avanzar máis aló da segunda rolda. Tamén ten experiencia no Open de Australia, Roland Garros e US Open, polo que será un difícil enfrontamento para a prometedora tenista galega.
A disputa desta eliminatoria terá lugar entre os días 28 e 29 de xuño e o horario dependerá da duración do resto de enfrontamentos.
Relacionadas:
-
Jéssica Bouzas debutará en Wimbledon contra a mellor tenista de Ucraína, Anhelina Kalinina
Por Manu Otero |
-
Jéssica Bouzas fai historia e disputará en Wimbledon o primeiro grand slam da súa carreira
Por Manu Otero |
-
Nova remontada de Jéssica Bouzas, que está a unha soa vitoria de entrar no cadro final de Wimbledon
Por Manu Otero |
-
Jessica Bouzas cae ante a alemá Tamara Korpatsch en cuartos do WTA 125k de Valencia
Por Almu Dapena |
-
Jéssica Bouzas cae na fase previa de Roland Garros tras unha batalla de máis de dúas horas contra a local Fiona Ferro
Por Redacción |
-
Jéssica Bouzas vende cara a súa derrota na última rolda da fase previa do Open de Australia
Por Redacción |
-
Jéssica Bouzas, no equipo español da United Cup xunto a Rafa Nadal e Paula Badosa
Por Redacción |
-
A tenista arousá Jéssica Bouzas consegue un ouro e un bronce nos Xogos Mediterráneo
Por Manu Otero |