Asinado o convenio de colaboración entre Concello e Deputación para a Gran Final das Series Mundiais
Por Redacción
Concello e Deputación de Pontevedra asinaron esta semana o convenio de colaboración para o desenvolvemento da Gran Final das Series Mundiais de Tríatlon, o evento de primeiro nivel que se desenvolverá en Pontevedra o próximo mes de setembro.
O alcalde, Miguel Anxo Fernández Lores, sinalou que este era un compromiso adquirido xa desde o ano pasado ao tratarse dun evento que "terá unha repercusión notable en todas as Rías Baixas e que achegará ata estas terras a máis de 4.000 triatletas, amais de equipos técnicos, organizativos, familiares ou espectadores".
Indicou Lores que a Gran Final das Series Mundiais será retransmitida en ducias de países, polo que tanto Pontevedra como as Rías Baixas "terán unha proxección importantísima a nivel internacional. A Deputación debería participar nesta cita e participará, algo que agradezo de xeito público".
"Estamos traballando para que sexa a mellor Gran Final das Series Mundiais celebrada até o de agora", concluíu o rexedor da Boa Vila a menos de 80 días para que a cidade se converta en capital mundial deste deporte.
No convenio asinado, a Deputación Provincial achegará un importe que ascende á cantidade total de 500.000 euros, IVE engadido, para facer fronte aos gastos relacionados co desenvolvemento do campionato do mundo.
Relacionadas:
-
Unha web visibilizará e promocionará a hostalería local durante a Gran Final das Series Mundiais de Tríatlon
Por Diego Espiño |
-
Unha travesía a nado polo río Lérez, aperitivo ás Series Mundiais de Tríatlon
Por Redacción |
-
A Gran Final das Series Mundiais de Tríatlon custará 2,8 millóns de euros
Por Diego Espiño |
-
Ampliar os horarios de comidas e ceas, cartas en varios idiomas… a hostalería prepárase para a Gran Final das Series Mundiais
Por Redacción |
-
Pontevedra abre camiño a Málaga, designada como sede da Gran Final das Series Mundiais de Tríatlon en 2024
Por Diego Espiño |
-
Reunión entre o Concello e hostaleiros para perfilar a Gran Final das Series Mundiais de Tríatlon
Por Redacción |
-
Desvelados os circuítos definitivos e horarios para a Gran Final das Series Mundiais de Tríatlon
Por Diego Espiño |
-
A gran final das Series Mundiais de tríatlon achégase a Pontevedra e necesita voluntariado
-
Pontevedra repetirá en 2025 como sede do Mundial Multideporte de tríatlon
Por Diego Espiño |