Un desastroso primeiro tempo condena o Cisne ante o líder Ciudad Real (35-27)
Por Almu Dapena
Esperábase un duelo de máxima igualdade, entre o líder Caserío Ciudad Real e o Club Cisne Balonmán, dous dos pesos pesados da División Honra Prata. Con todo, o conxunto local foi moi superior, apoiado no seu gardameta Givagnola e nun ataque que noqueou á defensa cisneísta, especialmente no primeiro tempo.
E é que tras uns primeiros minutos de máxima igualdade, un parcial de 5-0 liderado por un Palacios que anotou tres tantos seguidos obrigou ao técnico Jabato a pedir o primeiro tempo morto e así tentar deixar atrás a mala serie na que se meteu o seu equipo (8-4).
Pero de nada serviu a charla do pontevedrés e o Ciudad Real seguiu dominando en todas as facetas do xogo e nin o cambio a unha defensa 5-1 produciu efecto nun Cisne que se vía completamente desbordado.
Volveu parar o partido Jabato a pouco máis de 8 minutos para o descanso (14-7), pero non houbo maneira de dar coa tecla para reverter a situación, senón que o equipo local, apoiado en Campanario, aumentou a diferenza en ata oito goles ao alcanzar o intermedio (20-12).
Despois do paso polos vestiarios, o Ciudad Real continuou ao seu e o adestrador cisneísta parou o tempo cando a desvantaxe alcanzou os 10 tantos (24-14).
Seguiron pasando os minutos cun intercambio de golpes en ambas as porterías e mesmo o Cisne logrou rebaixar a diferenza en sete goles, pero o equipo local soubo facer o seu xogo para non meterse en leas e asinou un definitivo e avultado 35-27.
Consulta as estatísticas nesta ligazón
Relacionadas:
-
Cisne e Málaga selan un empate tras un duelo que gañaron as defensas (20-20)
Por Almu Dapena & Cristina Saiz |
-
Volta á competición para o Cisne recibindo o Málaga, "un dos favoritos para estar nos postos de arriba este ano"
Por Redacción |
-
O pechacancelas Zamora convértese no pesadelo de Samáin do Cisne (29-28)
Por Almu Dapena |
-
O Cisne visita o pechacancelas Zamora
Por Redacción |
-
Regreso a casa do Cisne cun importante triunfo ante Agustinos (28-24)
Por Almu Dapena & Cristina Saiz |
-
O Cisne, a recuperar sensacións na casa contra un “complicado” Agustinos
Por Redacción |
-
Triunfo copeiro do Cisne en Alcobendas (25-29)
Por Redacción |
-
O pivote Manu Lorenzo, convocado pola Selección Española Xuvenil para xogar o Torneo Scandibérico
Por Redacción |
-
O Cisne sentencia no primeiro tempo para tombar o Barça B (24-29)
Por Almu Dapena |
-
O Cisne tropeza co Burgos (34-36)
Por Almu Dapena & Cristina Saiz |
-
Sufrido triunfo do Cisne no derbi provincial ante o Novás (28-29)
Por Almu Dapena |