O Arosa denuncia a súa "indefensión" polo pouco prazo para alegar ao recurso presentado polo Granada
Por Diego Espiño
O Granada Club de Fútbol recorreu oficialmente a súa eliminación da Copa do Rei, e por tanto o pase do Arosa, segundo notificou este martes ao club arlequinado a Real Federación Española de Fútbol.
Con todo quéixase a entidade de Vilagarcía do pouco prazo outorgado para formular alegacións ao recurso, e é que a comunicación da Federación recibiuse ás 8.45 horas deste martes e pechábase a posibilidade ás 13.00 horas.
"Entendemos que o citado prazo resulta de xeito evidente insuficiente e xera unha evidente indefensión. En procedementos como o presente debe garantirse que se respecten os principios, dereitos e garantías que resultan aplicables ao dereito administrativo sancionador", argumenta o club.
Ademais quéixase de que "a excesiva documentación presentada pola parte contraria fai imposible que se poida contestar ao citado recurso coas garantías que establece a normativa aplicable".
Por todo iso avisan os da Lomba que "vémonos na obrigación de anunciar publicamente que defenderemos os dereitos e intereses da nosa entidade e de todos os seus representantes ante todas aquelas xurisdicións que se consideren competentes para os efectos de evitar situacións como a exposta".
#CopaDelRey: Comunicado oficial #ArosaSC pic.twitter.com/SZ7jIDm9nd
— Arosa SC (@ArosaSCOficial) November 14, 2023
A confirmación do recurso do Granada á aliñación indebida do seu porteiro Adri López no encontro de Copa fronte ao Arosa chega a 24 horas de que se produza o sorteo de segunda rolda da competición copeira, previsto para este mércores 15 de novembro (13.00 horas).
Relacionadas:
-
O Arosa publica o prezo das entradas para o partido de Copa contra o Valencia
Por Redacción |
-
O Valencia, un histórico para o Arosa na segunda rolda da Copa do Rei
Por Diego Espiño |
-
Á espera doutro Primeira División: Estes son os posibles rivais do Arosa na segunda rolda de Copa
Por Diego Espiño |
-
Competición dálle a razón ao Arosa e estará na segunda rolda da Copa do Rei
Por Diego Espiño |
-
O Granada deféndese cualificando de "correcta" a aliñación do seu porteiro contra o Arosa
Por Diego Espiño |
-
Honra arosista na Copa do Rei fronte a un Granada ameazado por unha posible aliñación indebida (0-3)
Por Diego Espiño |