Montse Tomé, sobre o España-Italia en Pasarón: "Afrontamos o partido coma se fose practicamente o último"
Por Diego Espiño
Pontevedra desconta os días do calendario para gozar das campioas do mundo, co partido internacional de España contra Italia que se xogará o vindeiro venres 1 de decembro no Estadio Municipal de Pasarón.
Mentres non chega o gran día, a Selección Española desvelou este martes a súa convocatoria para a cita, así como para a do día 5 de dicembre contra Suecia en Málaga, comparecendo despois ante os medios de comunicación a seleccionadora nacional, Montse Tomé.
"Temos moitas ganas de que chegue o luns, traballamos todo este mes para ver de que maneira podemos tratar estes dous partidos", sinalou a adestradora ante unha concentración que arrincará o vindeiro luns 27 en Las Rozas.
O primeiro dos encontros oficiais previstos, correspondentes á quinta e sexta xornada da UEFA Women's Nations League, será o de Pasarón fronte a Italia, un duelo que "afrontamos coma se practicamente fose o último", recoñeceu Tomé.
Non é para menos, e é que "sabemos que se conseguimos gañar a Italia imos estar na semifinal, que á súa vez pode dar pase á final que nos de o obxectivo de estar nos Xogos Olímpicos", afirma a máxima responsable do equipo nacional.
Para a cita en Pontevedra Montse Tomé chamou a 25 futbolistas, entre elas Alexia Putellas e Irene Paredes a pesar de atravesar problemas físicos. "Supoño que vos chamará a atención porque só poden entrar en 23 en convocatoria", explicou a adestradora confirmando que ao comezo da concentración deberán realizarse descartes e sempre coa premisa de "protexer á futbolista" e non correr riscos innecesarios.
En canto á Nations League "valoramos esta concentración e estes partidos coa máxima ambición, vimos de xogar catro partidos desta competición que é nova tamén, bonita, especial, na que temos posta moitísima enerxía", defendeu Tomé.
A seleccionadora española analizou ademais o momento actual que vive o equipo e tamén o actual corpo técnico superado o complicado inicio vivido na súa chegada ao cargo. "Se facemos unha valoración desde o inicio de como empezou e como estamos agora é positivo, valoralo para notrosos é ter máis tranquilidade e un contexto idóneo para traballar", concluíu na súa comparecencia ante os medios de comunicación.
Relacionadas:
-
Alexia Putellas non estará en Pasarón: cae da convocatoria da Selección por lesión
Por Diego Espiño |
-
Comeza a posta a punto de Pasarón de cara ao partido entre España e Italia
Por Almu Dapena |
-
Unha 'fan zone' en Montero Ríos, aperitivo ao partido das campioas do mundo en Pontevedra
Por Redacción |
-
Máis da metade do aforo para o España-Italia, comprometido en prevenda aos clubs
Por Diego Espiño |
-
Críticas e indignación pola falta de entradas para o España-Italia: "Non vin a ninguén que as conseguira"
Por Diego Espiño |
-
Tolemia polas entradas do España-Italia en Pasarón: Esgotadas en 15 minutos
Por Diego Espiño |
-
O España-Italia, unha proba de lume para o renovado céspede de Pasarón
Por Diego Espiño |
-
Tere Abelleira non falla na convocatoria de España para o seu partido en Pasarón
Por Diego Espiño |
-
As entradas para o España-Italia en Pasarón, á venda o xoves 23 de novembro
Por Diego Espiño |
-
Fixado o horario para o partido entre España e Italia en Pasarón
Por Redacción |
-
Tere Abelleira, protagonista na previa da Nations League: "Por fin falamos de fútbol"
Por Diego Espiño |
-
Exame a Pasarón a case un mes do España-Italia: "Cumpre con todos os requisitos para un partido internacional"
Por Diego Espiño |
-
Tere Abelleira, na lista da Selección para a xanela internacional previa a xogar en Pasarón
Por Diego Espiño |
-
Pasarón acollerá en decembro o partido entre España e Italia da Liga de Nacións Feminina
Por Almu Dapena |