Segunda renovación da Sociedad Deportiva Teucro, que aposta forte por reter no equipo a Andrés Moyano.
O lateral arxentino prolonga a súa vinculación co club pontevedrés por dúas tempadas máis con opción a un terceiro ano, sempre que ambas as dúas partes estean de acordo.
O mozo arxentino, de 21 anos e que debutou xa coa selección nacional absoluta do seu país, chegou ao Teucro o pasado verán procedente do Sant Quirze.
Aínda que o seu papel no equipo esta tempada foi secundario, Moyano foi gozando de minutos e anotou 31 goles "demostrando ter un gran lanzamento mostrándose como un xogador cunha importante marxe de mellora", recoñecen desde o club azul.
Desta forma son xa dúas os xogadores confirmados para o próximo proxecto teucrista na máxima categoría ás ordes de Luís Montes, o propio Andrés Moyano e Samu Gómez.