O Club Cisne Balonmán coñeceu este venres quen será o seu rival na segunda rolda da Copa do Rei, tras o sorteo celebrado na sede da Real Federación Española de Balonmán.
O conxunto pontevedrés medirase a un vello coñecido, o Atlético Novás, deparando o bombo todo un derbi provincial.
A eliminatoria, a partido único, disputarase o mércores 20 de marzo no Rosal.
Será por tanto o segundo partido copeiro, de dous, que o Cisne xogue a domicilio, tras superar a primeira rolda gañando fóra da casa o Alcobendas.