Primeiros movementos no plantel do Poio Pescamar para a próxima tempada.
Confirmada a continuidade de Luís López-Tulla, este martes anunciouse a primeira saída do equipo, a de Julia Dupuy.
A internacional arxentina, de 23 anos, poñerá fin desta forma a unha etapa de tres anos na Seca, tempo no que ademais de contribuír ao título de Copa Galicia 2022 participou na final perdida na Copa da Raíña en 2020 ou na recente semifinal polo título de liga.
Dupuy era unha das futbolistas que levaba máis tempo vestindo a camiseta vermella, xunto ao seu compatriota Agostina Chiesa e só superada por Dani Sousa e por Irene.
Ademais tampouco seguirá no club o segundo adestrador do primeiro equipo, Kevin Noda, que tras ano e medio na Seca decidiu emprender unha nova aventura profesional nas Illas Canarias.