Primeira fichaxe, e importante, no Poio Pescamar, cunha incorporación que está chamada a ser unha das referencias do equipo a próxima tempada.
Trátase ademais dun regreso a 'casa', o da internacional absoluta Ale de Paz.
O club conserveiro fixo oficial este xoves a contratación da dobre campioa europea, de 28 anos e que xa xogou na Seca durante catro tempadas (2015 a 2019), nas que sumou máis de 100 partidos.
Tras a súa saída de Poio en 2019 Ale de Paz militou tres campañas en Burela gañando todos os títulos posibles, e o pasado curso defendeu as cores do Marín Futsal.
A futbolista de Neda, que actúa de ala, é a terceira peza confirmada para o novo e ambicioso proxecto do Poio Pescamar, tras as renovacións de Laura Uña e Elena.