Aposta de futuro da Sociedad Deportiva Teucro, que este sábado confirmou unha dobre incorporación de talento e xuventude.
O club pontevedrés anunciou as incorporacións de Sergio Pérez e Domingo Luis, xogadores internacionais nas categorías inferiores da Selección Española e que chegarán ao Municipal coa idea de compaxinar o filial de Primeira Nacional co primeiro equipo na Liga Asobal.
Sergio Pérez é un central madrileño que chega a Pontevedra procedente do San Sebastián de los Reyes, con quen alternou participacións no equipo xuvenil e na Primeira Nacional, na que anotou 83 goles en 18 partidos.
En canto a Domingo Luis, trátase dun lateral dereito andaluz que a última tempada defendeu as cores do Córdoba Balonmano, tamén na Primeira Nacional, onde participou en 12 encontros.
Tanto Sergio Pérez como Domingo Luis asinan por dúas tempadas e comezarán a pretempada co primeiro equipo ás ordes de Luís Montes.