A asociación Vaipolorío presentou a que será a 20ª edición da Campaña de limpeza do río Cocho-Toxal-Tomeza-Gafos.
Toda unha acción clásica do colectivo ecoloxista que non se ve freada polo coronavirus, aínda que si se adaptará para garantir a seguridade dos participantes.
O colectivo ten previsto iniciar a limpeza na contorna do río o vindeiro domingo 2 de agosto.
Con todo, ao contrario que outros anos, Vaipolorío pide ás persoas interesadas en participar na limpeza dos fondos do Gafos e a súa contorna que contacten previamente coa asociación co obxectivo de poder organizar grupos e limitar así o contacto entre os participantes.
Ademais de voluntarios particulares, Vaipolorío contará un ano máis coa colaboración da Asociación Xoán XXIII que participará nunha das xornadas de limpeza.