A campaña de mellora urbana e ambiental chega a Monte Porreiro
Por Redacción
O Concello de Pontevedra continúa adiante coa campaña de mellora urbana e ambiental nos barrios coa reparación da praza da Praia de Estribela e xa prepara as primeiras actuacións na praza das Regas.
O concelleiro responsable dos Servizos urbanos básicos, Xaquín Moreda trasladouse nestes días ao barrio de Monte Porreiro para coñecer sobre o terreo a demanda da Asociación de veciños "O Mirador".
Esta visita obedece ao encontro que recentemente vén de manter o alcalde Miguel Anxo Fernández Lores cos representantes veciñais do barrio que acaban de asumir as rendas deste colectivo. Naquel encontro de presentación, o alcalde xa lles trasladara a súa satisfacción porque haxa unha asociación dinamizando o barrio e por poder ter unha interlocución fluída.
Seguindo o mandato do alcalde, Xaquín Moreda percorreu o barrio acompañado dun dos portavoces da nova directiva da asociación para coñecer as propostas que fan en materia de mantemento dos espazos públicos.
A poda de árbores, rozas en distintos puntos do barrio, reforzo da limpeza viaria, revisión na colocación dalgúns colectores a petición dos veciños, son algunhas das propostas recollidas polo concelleiro que, segundo comprometeu, se irán implementando.
A intención da Concellaría é aproveitar as sinerxías dos distintos servizos municipais implicados para actuar de xeito global zona a zona.
Relacionadas:
-
Os traballos de poda das árbores da cidade chegan á Praza de Galicia
Por Redacción |
-
Lores promete "escoitar" os veciños de Monte Porreiro e "ir da súa man" para mellorar o barrio
Por Alejandro Espiño & Mónica Patxot |
-
Reparado o acceso á igrexa de San Bartolomeu coa instalación dunha nova tarima
Por Redacción |
-
Un operativo de limpeza acometerase na madrugada do xoves no barrio de Valdecorvos
Por Redacción |
-
Impulsan un inventario de "elementos singulares" para priorizar as obras de mantemento
Por Alejandro Espiño |
-
O Concello nega a polémica polo Parque das Regas: "Estamos executando o que se deixou planificado. Nin máis nin menos"
Por Natalia Puga |
-
Zafarrancho de limpeza na rúa Dinamarca
Por Redacción |
-
Intervención intensiva de limpeza nas rúas Virxilio Blanco e Urbano Lugrís
Por Redacción |