Aberta a ponte do Gafos para conectar a senda fluvial con Josefina Arruti
Por Mónica Patxot & Anxo Lourido
Xa está aberta ao paso peonil a nova pasarela situada por baixo da ponte da avenida da Estación. Cunha estrutura de madeira este acceso permite a conexión pola senda do río Gafos entre a zona do Gorgullón coa avenida Josefina Arruti.
Miguel Anxo Fernández Lores, alcalde de Pontevedra, acompañado polo concelleiro responsable de Servizos urbanos básicos, Xaquín Moreda, visitaban este espazo que se acometeu con motivo das obras de reforma da estación de autobuses.
O rexedor indicou que se trataba dunha "obra necesaria" que se executou a través do convenio asinado coa Xunta de Galicia no que o Concello investiu un millón de euros e que permitiu destapar un tramo cuberto do río Gafos, que se utilizaba para acceso á estación de autobuses.
Esta estrutura de madeira, que foi ocupada por persoas indixentes durante as obras sufrira un incendio, que provocou o atraso en que se puidese abrir para o uso peonil.
Lores sinalou que agora se están realizando obras de emerxencia por caída de pedras na senda do Gafos, desde a avenida da Estación ata Campolongo. Durante as próximas semanas, van repoñerse pasarelas de madeira en malas condicións, ademais de recuperar o pavimento de granito descomposto, que se viu afectado polas crecidas do río durante o mes de novembro con motivo das fortes precipitacións.
"Somos uns privilexiados á hora de ter un río urbano", apuntou o alcalde de Pontevedra que lembrou que continúan os estudos sobre o destape do río ao seu paso por Campolongo e que espera que, en datas próximas, póidanse abrir os tramos do paseo desta senda cando finalicen os traballos de mellora.
Relacionadas:
-
O paseo dos Gafos deixa de estar a escuras con 40 farois de aceiro
Por Redacción |
-
Solicitan que o concurso de ideas do Gafos estenda o ámbito de actuación
Por Oskar Viéitez |
-
A nova zona de estancia no Gafos, entre Rosalía de Castro e Tablada, abrirá "nunha semana ou dez días"
Por Alejandro Espiño |
-
A renaturalización do Gafos irá "moito máis aló" que destapar a cuberta do río
Por Alejandro Espiño |
-
Posta a punto do paseo dos Gafos desde a estación ata Campolongo
Por Redacción |
-
Inician a reparación do muro de contención do río Gafos entre a avenida da Estación e Ponte Boleira
Por Redacción |
-
Reparado o acceso á igrexa de San Bartolomeu coa instalación dunha nova tarima
Por Redacción |
-
Mosquera, sobre o destape do Gafos: "Eu creo que é viable, outra cousa é como"
Por Alejandro Espiño |
-
A primeiros de decembro haberá datos das catas sobre o substrato do río Gafos para estudar o destape
Por Mónica Patxot & Anxo Lourido |
-
Comezan a formigonar a nova pasarela de metal sobre o Gafos na rúa Tablada
Por Mónica Patxot & Redacción |
-
O inicio do estudo xeotécnico para demoler a canalización do Gafos é "inminente"
Por Alejandro Espiño |