Nove axencias que programan circuítos de Entroido coñecerán a festa de Cobres
Por Redacción
A Xunta de Galicia, a través da Axencia Turismo de Galicia mostrará representantes de axencias de viaxe especializadas en programar circuítos turísticos relacionados co carnaval as características do Entroido de Cobres protagonizado polas madamas e galáns.
O próximo martes 4, os nove integrantes destas axencias achegaranse pola parroquia do concello de Vilaboa para coñecer as actividades que se desenvolven nesta festa tradicional e poder despois incluílas nas súas programacións.
As empresas que participan nesta proposta de promoción por parte da Xunta de Galicia son España Visión, Viajes Iltrida, Sankara, Kebala Viajes, Amarelo Viajes e País Mágico.
No marco da comercialización turística a través de internet, viaxarán a Galicia representantes dos operadores Muchoviaje, Viajes Jet y Offi Travel. Ademais de Vilaboa, os empresarios coñecerán outras festas de entroido tradicionais como os Xoves de Comadres en Verín ou os actos festivos de Xinzo de Limia.