Bora cambia ao LED cunha renovación de toda a súa iluminación pública
Por Alejandro Espiño
Tras Canicouva e Ponte Sampaio, Bora tamén verá substituída toda a súa iluminación pública por lámpadas LED. O Concello de Pontevedra investirá 210.000 euros no proxecto de mellora do alumeado, que pasará a ser máis eficiente en materia enerxética.
O portavoz do goberno municipal, Raimundo González, asegurou que se cambiarán as 501 luminarias que existen en toda a parroquia, colocando no seu lugar LED de última xeración. Tamén se reporán os brazos dos postes dos farois no caso que fora necesario.
O Concello calcula un aforro do 60% no consumo enerxético e na factura que se paga por este alumeado público.
Ademais, González recordou que a substitución por LED permitirá que a zona estea mellor iluminada, que haxa menos contaminación lumínica e menos emisión de CO2 e que se reduzan as tarefas de mantemento e avarías na rede, xa que a obra implicará, tamén, a substitución dos cadros e da instalación eléctrica.
A empresa que resulte adxudicataria desta actuación terá un mes de para executala.
A intención do goberno é continuar a mellora da eficiencia enerxética da iluminación pública no resto de parroquias.
XUNQUEIRA DE ALBA
Ademais, a Xunta de Goberno aprobou sacar a licitación o acondicionamento integral da Xunqueira de Alba, na que se investirán 195.000 euros.
As obras, unha vez adxudicadas, deberán estar completadas nun prazo de tres meses, polo que o Concello agarda que este espazo de lecer estea en óptimas condicións de cara o verán.
Relacionadas:
-
A praza de Barcelos e a súa contorna pasan á iluminación LED
Por Redacción |
-
A renovación da iluminación pública en Bora custará 204.000 euros
Por Alejandro Espiño |
-
Investimentos de máis de 4 millóns de euros para campos de fútbol, reforma de viais e programas para menores
Por Redacción |
-
Impulsan unha actuación "integral" na Xunqueira do Vao para mellorar o seu estado
Por Alejandro Espiño |