225 persoas atoparon emprego co apoio de Cruz Vermella
Por Redacción
Un total de 306 persoas participaron nas iniciativas de inserción laboral de Cruz Vermella durante o pasado ano na comarca de Pontevedra. Delas, 188 foron mulleres (o 61%), que seguen sendo o grupo con máis dificultades para acceder ao mercado laboral, seguido das persoas migrantes e refuxiadas, os mozos sen cualificación e as persoas desempregadas con máis de 45 anos.
O perfil maioritario é muller, migrante, cunha idade comprendida entre os 25 e 54 anos, con baixa ou nula cualificación e en desemprego desde fai máis dun ano.
As actuacións do Plan de Emprego de Cruz Vermella desde a súa posta en marcha no ano 2000 están dirixidas a apoiar o emprego de quen o ten máis difícil, desde a orientación á procura de traballo ata a propia inserción laboral, pasando por accións formativas e prácticas profesionais que permitan traballar nun sector determinado. O balance do Plan de Emprego de Cruz Vermella en 2017 indica que 225 persoas accederon a un emprego co apoio de Cruz Vermella
Ademais, o Plan de Emprego contou o ano pasado coa colaboración de máis de 20 persoas voluntarias de Cruz Vermella en Pontevedra que achegan o seu tempo, os seus coñecementos e a súa experiencia para apoiar a quen máis o necesitan.
O Plan de Emprego en Pontevedra de Cruz Vermella contou en 2017 con máis de 220 empresas colaboradoras que permitiron xestionar 206 ofertas de emprego e prácticas formativas en diferentes sectores que necesitan profesionais e apostan por brindar unha oportunidade a quen máis o necesitan.
Relacionadas:
-
Cruz Vermella Pontevedra organiza varios cursos para a incorporación de novos voluntarios
Por Oskar Viéitez |
-
Un centenar en nenos participaron no encontro provincial de Cruz Vermella Mocidade
Por Redacción |
-
Rakayfe e diu farin para unir culturas na Cruz Vermella
Por Clara Alonso |
-
RADIO.- Cara a cara: ERÍES, os voluntarios que nos axudan ante as emerxencias
Por Marisa Ciordia |
-
Margarita Feijóo Lino, exemplo de loita e honestidade, homenaxeada no PSOE
Por Anxo Lourido |
-
A Cruz Vermella pide ós pontevedreses que se 'lancen' ao voluntariado
Por Gabriela Varela Asorey |