Mariano Rajoy e Pedro Sánchez, na boca de todos en Pontevedra
Por Alejandro Espiño
A escena política de Pontevedra tamén reaccionou ao triunfo da moción de censura contra Mariano Rajoy, que converteu ao socialista Pedro Sánchez no novo presidente do Goberno.
Para a presidenta da Deputación, Carmela Silva, os 180 deputados que, cos seus votos, apoiaron a moción de censura contra Rajoy supoñen, dixo, unha "brisa de aire fresco". Mostrou así a súa "alegría" tras comprobar que o Partido Popular e Mariano Rajoy foron "expulsados" do Goberno e con eles tamén "a corrupción".
A dirixente socialista asegurou que, a partir de agora, o novo Goberno terá a "responsabilidade" de cambiar "as formas, os modos e as políticas" do Partido Popular e "deseñar" un futuro para España.
Este futuro, dixo, actualmente estaba "enterrado e cheo de lixo" e co cambio de goberno "ábrese unha porta" para alcanzar "ese futuro que todos necesitamos".
Pola súa banda, o alcalde de Pontevedra, Miguel Anxo Fernández Lores, explicou que este trámite contra Mariano Rajoy era "inevitable" e engadiu que se o BNG tivese representación no Congreso tamén votarían a favor desta moción.
Rajoy deixa, segundo Fernández Lores, un "espantoso" legado político tanto para Galicia como para Pontevedra, xa que o "deposto" presidente é o que "condenou" á súa cidade para "soportar" a unha empresa "altamente contaminante" como Ence durante 60 anos máis.
Lores sinalou que con este novo goberno liderado por Sánchez "se abre un novo escenario político" que espera que sexa satisfactorio para Galicia.
Ademais, o alcalde convidará ao novo presidente a visitar Pontevedra e destacou que "a ver se este presidente vén", lembrando que Rajoy nunca aceptou a invitación cursada desde o Concello antes de que fora declarado persoa "non grata".
Desde o PP pronunciouse o presidente da Xunta, Alberto Núñez Feijóo, que sinalou que "non creo, honradamente, que o señor Sánchez empezase ben. Na miña opinión non se podería empezar peor".
Todos os galegos, dixo, están "preocupados" polo futuro do Estado, tanto os que "non están de acordo co señor Rajoy" como "todos aqueles que nunca votaron ao Partido Popular". Lembrou, por outra banda, que Sánchez "quere chegar a presidente do Goberno a calquera prezo, ocorra o que ocorra e deixe no camiño o que deixe".
Ademais, Núñez Feijóo asegurou estar "convencido" de que "intimamente o señor Pedro Sánchez está preocupado porque sabe que así non se pode chegar, que así non vale e que así é moi difícil que poida cumprir dunha forma minimamente correcta e ética as súas obrigacións como presidente do Goberno".
Chega á Moncloa, lembrou, tras "perder dúas veces consecutivas", "pagando a peaxe de Esquerra Republicana e dos políticos de Puigdemont" e "ofrecéndolle a España un goberno que está marcado desde o primeiro instante pola inestabilidade".
REFERENCIAS EN TWITTER
Outros líderes políticos de Pontevedra pronunciáronse acerca da moción de censura a Rajoy e a chegada de Pedro Sánchez á Moncloa a través dos seus perfís en redes sociais como Twitter. Estos son algúns exemplos:
Muy orgulloso de @marianorajoy @PPopular pic.twitter.com/u2KqrycihB
— Jacobo Moreira (@JacoboMoreiraFe) 1 de junio de 2018
Es un honor para nosotros poder decir que quien ha trabajado incansablemente por los españoles y quien deja una España mucho mejor de la que la encontró ha sido UN SEÑOR DE PONTEVEDRA.#GraciasPresidenteRajoy pic.twitter.com/0S7qWETHFz
— PP Pontevedra Prov. (@pontevedrapp) 1 de junio de 2018
Hoy es un gran día para España, tenemos un presidente socialista con muchas ganas de devolver la honradez al gobierno y la ilusión a tod@s l@s españoles, Gracias @sanchezcastejon. Es el momento del @PSOE, del acuerdo y los derechos, un tiempo nuevo para España y Pontevedra.
— Provincial (@PsoePontevedra) 1 de junio de 2018
1 de xuño de 2018, o día que botamos ao goberno corrupto do noso veciño, que non amigo, Mariano Rajoy. Polo ben da nosa Pontevedra, pedímoste un derradeiro favor: Mariano, quédate en Madrid, aínda que sexa para pasear.#ForzaMariano #mociónCensura
— Marea Pontevedra (@MareaPontevedra) 1 de junio de 2018
Relacionadas:
-
RADIO.- O minucioso traballo xornalístico de Pilar Urbano pon nas librerías "a viaxe a ningunha parte" do 'procés'
Por Marisa Ciordia |
-
RADIO.- Afonso Eiré: "Pedro Sánchez levaba preparando este Goberno hai máis de dous meses"
Por Marisa Ciordia |
-
En Marea asegura que o PSOE "xógase moito" coa decisión que tome sobre ENCE
Por Alejandro Espiño |
-
O pontevedrés Constantino Méndez, "ministro" de Defensa durante unhas horas
Por Alejandro Espiño | Creada e actualizada
-
Telmo Martín poría "as dúas mans e a cabeza nunha guillotina" pola honradez de Rajoy
Por Alejandro Espiño |
-
Rajoy marcha: "Es lo mejor para mí y para el PP. Y creo que también para España"
Por Alejandro Espiño |
-
Lores felicita a Pedro Sánchez e pídelle cumprir coa retirada de Ence da ría
Por Alejandro Espiño |
-
Carmela Silva di que o PP de Galicia pasou de ser a "procesión dos caladiños" a poñer deberes a Pedro Sánchez
Por Oskar Viéitez & Paula Sanmartín |
-
Marea Pontevedra pónlle "deberes" a Pedro Sánchez: Anular a prórroga de ENCE
Por Oskar Viéitez |