Lores cre que a demanda da Fiscalía contra Audasa "chega tarde"
Por Oskar Viéitez
O alcalde de Pontevedra, Miguel Anxo Fernández Lores, cre que "chega tarde" a demanda colectiva que acaba de presentar a Fiscalía contra Audasa para defender os condutores da AP-9 polo que considera unha "práctica abusiva" no cobro da peaxe de Rande durante as obras de ampliación da ponte.
"Esta ben porque é exemplificador e para que non abusen, porque seguen abusando, pero estas cousas hai que facelas preventivamente, porque ao final despois tarde piaches", dixo Lores.
O rexedor nacionalista considera que o efecto deste tipo de reclamacións "é positivo de cara o futuro, pero na práctica agora non resolven moitas cousas" e ademais apunta que á hora de facer efectiva unha posible indemnización aos particulares "na práctica resulta practicamente imposible".
A propia Fiscalía recoñeceu que se descoñece o número de afectados e Audasa informou que durante o período analizado "existiron uns 77 millóns de tránsitos e a recadación por peaxes correspondentes a vehículos lixeiros ascendeu a uns 90 millóns de euros".
Relacionadas:
-
Rexeitan incorporar a Fomento como demandado polo cobro abusivo de peaxes na AP-9
Por Redacción |
-
Os afectados pola peaxe da AP-9 durante as obras de Rande poderán unirse á causa ata o 8 de abril
Por Natalia Puga |
-
A Fiscalía presenta unha demanda colectiva contra Audasa polo cobro "abusivo" da peaxe de Rande
Por Natalia Puga |
-
O BNG alerta do "perigoso" abandono da AP-9 ao seu paso por Pontevedra
Por Redacción |
-
A peaxe entre Pontevedra e Vigo sobe a 3,75 euros e a Santiago, 5,60 euros
Por Oskar Viéitez |