A violencia contra as mulleres tamén se denuncia no inicio do Culturgal a través dunha performance
Por Cristina Saiz & Anxo Lourido
Vestida de noiva cun traxe branco, Uxía Morán iniciaba na tarde deste venres unha performance pola galería que une o espazo do Recinto Feiral coa sala de exposicións. A intérprete portaba unha bandexa con pratos baixo unha música que marcaba o seu percorrido. Nos momentos de maior intensidade sonora, a protagonista derrubábase rompéndose os pratos como consecuencia duns golpes invisibles que recibía.
Decenas de persoas, entre as que se atopaba a presidenta da Deputación Carmela Silva, seguían a historia na que a muller mostraba como sufría agresións sexuais ata rematar bailando sobre os pratos rotos e esparexidos polo chan nunha danza mortuoria. Baixo o título de 'A última cea', Uxía Morán ofrecía a primeira acción artística contra as violencias machistas que a Deputación ten previsto desenvolver dentro da Feira das Industrias Culturais que se celebra entre este venres e o domingo no Pazo da Cultura de Pontevedra.
A proposta reflectía a situación que sufriron as mulleres durante a ditadura franquista entre a represión do réxime e a violencia que se padecía en moitos fogares, vítimas das agresións por parte dos homes e obrigadas a realizar actividades para satisfacelos. Esta proposta inclúese nas actividades de Mulleres en Acción #violenciazero da institución provincial.
A presidenta da Deputación sinalaba, antes da acción artística, que a cultura serve tamén para concienciar e para mobilizar socialmente, ademais de fomentar a sensibilización ante estas situacións de desigualdade.
Toda a programación do Culturgal pódese consultar na páxina web da Feira das Industrias Culturais de Galicia.
Relacionadas:
-
Culturgal xa pensa en 2020: a festa da cultura volverá a Pontevedra do 27 ao 29 de novembro
Por Diego Torrado & Redacción |
-
O espírito do Nadal vívese no Gaiás e chega en forma de árbore xigante, maxia e urbe de conto
Por Redacción & Diego Torrado |
-
Sábado de público multitudinario e actividade frenética en Culturgal
Por Diego Torrado & Redacción |
-
O 'Tristrás' máis especial de Marful e Sabela, no escenario de Culturgal
Por Diego Torrado & Redacción |
-
A presenza de Galicia no mundo, da prehistoria á actualidade, sen saír da Cidade da Cultura
Por Redacción & Diego Torrado |
-
O Culturgal abre as súas portas no Pazo da Cultura coa intención de superar os 15.000 visitantes
Por Cristina Saiz & Anxo Lourido |
-
Os videoxogos pisarán con paso firme no Culturgal
Por Redacción |
-
Culturgal 2019 preséntase como o refuxio "onde nunca chove" con espectáculos, videoxogos e arte contemporánea
Por Redacción |
-
A cuarta edición de "Mulleres en acción. #ViolenciaZero" será a máis participativa
Por Oskar Viéitez & Mónica Patxot |
-
O programa #violenciazero medra e terá actividades todo o ano en 25 concellos
Por Natalia Puga & Mónica Patxot |