Ofrecemento ao sector hostaleiro para ampliar as terrazas en Moraña para evitar grandes perdas económicas
Por Redacción
Luisa Piñeiro, alcaldesa de Moraña, contactou telefonicamente estes últimos días con propietarios de 17 locais de Moraña para ofrecerlles a ampliación da superficie das súas terrazas para que, no caso de que renoven a súa actividade para partir do luns 11 cando está previsto o paso á fase 1 da desescalada, poidan instalar máis mesas das que habitualmente ocupan o seu espazo para ofrecer servizo.
O goberno local, con esta medida, pretende por unha banda recuperar canto antes a normalidade social e, por outra, que o sector recupere a rendibilidade económica despois de dous meses de peche. En todo caso, esta medida tamén busca que se respecten todas as medidas de seguridade e de distancia social para conter o contaxio de virus, segundo explican desde o Concello.
Para realizar a solicitude desta ampliación, os propietarios de cafeterías, bares e restaurantes deberán presentar ao longo desta semana unha solicitude ao Concello para que poidan estar operativas a partir do luns 11.
Na fase 1, os hostaleiros poderán abrir exclusivamente a terraza cunha ocupación do 50%. A medida do goberno de Luisa Piñeiro busca que, naquelas rúas con beirarrúas con dimensións amplas, póidanse establecer o mesmo número de mesas de antes do confinamento pero con máis separación entre elas, que permitan o distanciamento social.
Relacionadas:
-
Moraña concederá subvencións e aplicará un plan de fomento do consumo para axudar ás empresas locais
Por Redacción |
-
O BNG de Moraña propón apoiar o comercio, actividades de "pequeno formato" e impulsar o turismo de natureza
Por Redacción |
-
O Concello de Moraña lembra que hai que limpar as leiras para previr incendios
Por Redacción |
-
A Xunta fai balance de reparto de material de protección: 154.000 en Pontevedra, Umia e O Salnés
Por Redacción |
-
Veciños e traballadores de Moraña reciben preto de 12.000 materiais de protección
Por Redacción |