Moraña ofrece axudas ao seu tecido empresarial para superar a crise do coronavirus
Por Redacción
O Concello de Moraña convoca a preto de 250 empresarios e autónomos do municipio afectados pola crise sanitaria para tratar as axudas aprobadas polo goberno local dirixidas a paliar os efectos da pandemia, que obrigou a pechar e reducir a facturación de moitas empresas.
O equipo de goberno que encabeza Luisa Piñeiro citou de maneira individual e personalizada aos representantes de pemes, microempresas, autónomos, comerciantes e hostaleiros de Moraña para o vindeiro luns, 8 de xuño, a partir das 9.00 horas no Edificio Multiusos de Santa Lucía para darlles todos os detalles sobre estas axudas e explicarlles o procedemento de solicitude.
A reunión farase por quendas para respectar os protocolos sanitarios, os aforos permitidos e a salvagarda da distancia social. O Concello xa habilitou unha partida de 100.000 euros para a concesión destas axudas a través dunha modificación de crédito acordada polo pleno e as bases das axudas están pendentes do trámite da publicación no BOPPO para a súa entrada en vigor.
O prego destas subvencións contempla a concesión dunha axuda de 900 euros a todos os autónomos e pemes que se viron obrigados ao peche e outra de 400 euros para aqueles que no mes anterior á solicitude desta subvención viran reducida a súa facturación en polo menos un 50% con respecto á do semestre natural precedente.
A medida oriéntase en exclusiva a pemes e autónomos con domicilio fiscal ou que conten cun local no termo municipal de Moraña, que estean ao día na xustificación de subvencións municipais, que non teñan débedas pendentes co Concello e que asuman o deber de manter a actividade polo menos tres meses.
Relacionadas:
-
Moraña tramita 64 peticións da axuda municipal a empresas afectadas pola Covid-19
Por Redacción |
-
Moraña mantén pechados os parques e retomará a feira quincenal de Santa Lucía
Por Redacción |
-
Prevén abrir o prazo esta semana para que autónomos e pemes soliciten axudas ao Concello de Moraña
Por Redacción |
-
Moraña inicia unha campaña para "activar" o comercio e a hostalería
Por Redacción |
-
Moraña reactiva o pago de impostos e taxas ao non aceptar o Oral o seu aprazamento
Por Redacción |
-
Moraña modifica o crédito de destinar 100.000 euros a axudas directas a autónomos e pemes
Por Redacción |
-
O Concello de Moraña destina 100.000 euros de axudas a autónomos e pemes
Por Redacción |
-
Moraña concederá subvencións e aplicará un plan de fomento do consumo para axudar ás empresas locais
Por Redacción |
-
O goberno local de Moraña estuda medidas para conceder axudas económicas a comercios, hostalaría e autónomos
Por Redacción |
-
Moraña facilita o papeleo cunha xestión alternativa para solicitar axudas durante esta crise
Por Redacción |
-
Moraña entrega materiais de protección aos seis taxistas do municipio
Por Redacción |