A campaña de verán remata con oito falecidos nas estradas da provincia
Por Manu Otero
A subdelegada do goberno en Pontevedra, Maica Larriba, compareceu este martes en rolda de prensa para informar sobre os resultados da campaña de tráfico na provincia durante os meses de xullo e agosto que se saldaron con oito falecidos, cinco máis que no mesmo período do ano anterior.
Acompañada pola directora provincial da DXT, Paula Yubero; e o capitán do subsector de Tráfico da Guardia Civil, Antonio Pérez; Larriba puntualizou que todos os sinistros se produciron en vías convencionais e que o de xullo foi o més máis tráxico con seis mortes. As vítimas foron, na súa maioría, persoas vulnerables como un peón, o condutor dun ciclomotor e dous motoristas.
"Estamos preocupados e pedimos prudencia", señadó Antonio Pérez respecto do repunte de accidentes de motocicleta como o ocorrido o pasado domingo en Cotobade e que, por razóns técnicas, non está incluído nas estatísticas feitas públicas este martes pola Subdelegación.
Co obxectivo de reducir este tipo de accidentes, a Guardia Civil está a incrementar a súa presenza nas estradas, o número de radares e tamén os controis relacionados coa limitación de potencia destes vehículos.
A metade dos sinistros con vítimas mortais na provincia ocorreron por unha colisión frontal, mentres que o 25% restante debeuse a saídas de vía. Ademais, a provincia rexistrou o 50 % dos accidentes con persoas falecidas ocorridos durante os meses de verán en Galicia. Aínda que deben analizar con maior profundidade os datos, apuntan desde a Subdelegación que o exceso de velocidade e a condución temeraria están detrás da maior parte destes sucesos.
Rematou a comparecencia Larriba repasando os datos do 2020 e comparándoos co mesmo período do ano anterior. "Co estado de alarma de produciu un descenso do número de accidentes, caeron un 32 % con respecto ao 2019", declarou a subdelegada chegando a precisar que, "a nivel estatístico", os datos son "bos". Con todo, lamentou que co fin das restricións á mobilidade das persoas o número de accidentes disparouse.
Relacionadas:
-
As "inasumibles" 25 vítimas mortais de tráfico en Pontevedra en 2021
Por Natalia Puga |
-
Xuño, mes negro dun verán con máis desprazamentos e probas de alcohol e drogas nas estradas de Pontevedra
Por Natalia Puga & Mónica Patxot |
-
A ocupación de vivendas "non é un problema real" en Pontevedra, segundo o Goberno
Por Alejandro Espiño & Mónica Patxot |
-
Falece un motorista de 29 anos tras bater contra un poste en Cerdedo
Por Redacción |
-
Un condutor dáse á fuga tras provocar un accidente que deixaba feridos a dous adultos e un neno en Portas
Por Redacción |
-
Un ferido leve nunha colisión por alcance entre catro coches na ponte da Illa
Por Redacción |
-
Unha muller resulta ferida de gravidade nun impacto en Cuntis cun camión cisterna que transportaba gas
Por Redacción |
-
Morre un ciclista de 60 anos en Caldas de Reis ao chocar contra a bionda
Por Oskar Viéitez |