Adxudicadas as obras de mellora da mobilidade peonil do núcleo da Chan, en Cotobade
Por Redacción
A Deputación de Pontevedra ven de adxudicar as obras, por un importe total de 30.250 euros, para ampliar a mellora da seguridade viaria do núcleo da Chan, no concello de Cerdedo-Cotobade.
A actuación, que comezará proximamente, ten por obxecto a creación e a mellora das beirarrúas, reforzando a seguridade viaria e peonil neste tramo inicial da estrada, seguindo o modelo de "mobilidade amable, segura e sostible" da institución provincial.
Estas obras de conservación, adxudicadas á Servicios Medioambientales Miño S.L., teñen un prazo de realización dun mes e desenvolveranse nos primeiros 200 metros de estrada provincial EP 0401 Carballedo-Caroi ao seu paso polo núcleo da Chan.
Trátase dunha zona de especial tránsito e intensidade peonil por estar situada na contorna da Casa do Concello, do Centro de Saúde de Carballedo e de entidades bancarias que dan servizo a toda a poboación do municipio.
A actuación completa o proxecto de recuperación feito tras o convenio de colaboración co concello, que contou cun investimento de 440.572 euros e que permitiu reformar a contorna da praza da Chan, en Carballedo, e da capela de San Roque. Desta maneira, a creación e mellora destas beirarrúas únese á habilitación da área de aparcamento e a ampliación da praza cunha vía de plataforma única, e á transformación e recuperación do espazo público como un dos principais obxectivos da Deputación nas infraestruturas provinciais.
Relacionadas:
-
O primeiro treito da vía que une Carballedo e Caroi pasa a mans municipais
Por Redacción |
-
A humanización de Carballedo complétase coa estrea das novas beirarrúas
Por Redacción |
-
O núcleo da Chan en Cerdedo-Cotobade amplía a zona de mellora de mobilidade peonil
Por Redacción |
-
Cotobade estrea a humanización do núcleo da Chan
Por Redacción |