O PP califica de "parche" a reforma da Deputación na estrada entre Curro e A Portela
Por Redacción
O grupo provincial do Partido Popular defende que "os veciños de San Amaro, en Barro, merecen unha estrada segura, cun proxecto de mellora integral, e non o parche que fixo a Deputación de Pontevedra na EP-0508 entre Curro e A Portela".
Os deputados do PP, Jorge Cubela, Paz Lago e Javier Tourís visitaron o lugar, acompañados polos concelleiros locais, José Antonio Landín e José Suárez e varios veciños e comprobaron "o grave problema de seguridade vial que provoca unha estrada estreita e moi sinuosa para a convivencia de peóns e vehículos".
Os populares cren que as reclamacións da veciñanza de San Amaro son "xustas" e piden un proxecto integral para a EP-0508, coa ampliación da plataforma "pola que hai tramos na que non poden cruzar dous vehículos", a creación de beirarrúas "para poder camiñar con seguridade", así como a mellora do saneamento e do alumeado público.
O voceiro do grupo provincial na Deputación, Jorge Cubela, defende que "hai que investir con fundamento, e non ir a Barro e poñer un parche para xustificar que se fixo algo" e responsabiliza disto tanto á institución provincial como ao Concello de Barro "xa que o Goberno local debería ter defendido as reclamacións dos veciños".
Relacionadas:
-
A oposición esixe á Deputación a roza das estradas provinciais
Por Redacción |
-
O PP esixe á Deputación a mellora da EP-0508 ao seu paso por San Amaro
Por Redacción |
-
400.000 euros para mellorar a seguridade viaria entre Curro-Portela
Por Redacción |
-
Barro gañará unha praza na contorna da capela de San Amaro, en pleno Camiño de Santiago
Por Oskar Viéitez |
-
Avanzan as obras de mellora da seguridade viaria nas estradas de Barro
Por Redacción |
-
Rematan as obras de mellora da seguridade viaria na estrada de Curro a San Amaro
Por Redacción |
-
A veciñanza de San Amaro retoma as protestas para esixir melloras na estrada provincial
Por Oskar Viéitez |