A celebración do Medio Maratón Cidade de Pontevedra este domingo pola mañá obriga a cortar un bo número de rúas ao tráfico e á Policía Local a poñer en funcionamento un dispositivo especial de mobilidade.

O horario previsto de duración destes cortes será desde as 9 ás 13 horas, salvo nas rúas Alexandre Bóveda e Ponte dos Tirantes, que estarán pechados a partir das 6 da madrugada.

Desde a ponte de Santiago, os condutores só poderán circular en dirección a Marín pola avenida de Uruguai ata a glorieta de San Roque.

Ademais, Alfonso XIII cambiará o sentido de circulación para permitir o tráfico desde Concepción Arenal cara á ponte da Barca ou Paseo de Colón. Na rúa Mestre Mateo só se permitirá a saída desde a zona monumental, comprendida dentro do circuíto, sempre que as condicións da proba o permitan.

Doutra banda, a Avenida de Bos Aires permanecerá pechada en ambos os sentidos no tramo comprendido entre a Ponte dos Tirantes e a das Palabras.