A busca de emprego e reducir a fenda dixital entre mulleres, obxectivos do 'Espazo empodera'
Por Redacción
A concelleira de Igualdade, Silvia Díaz (Avante Poio), e a directora do Centro de Información á Muller (CIM), Raquel Morales, acudiron este mércores á inauguración do obradoiro 'Espazo Empodera', unha das grandes novidades dentro da programación desenvolta polo departamento municipal con motivo do Día Internacional da Muller.
Trátase dunha acción formativa que está dirixida a usuarias do propio CIM e de Servizos Sociais, que se atopan en situación de desemprego.
Precisamente, entre os obxectivos principais que se queren acadar a través desta iniciativa figura "achegar pautas e ferramentas que lle resulten útiles ás alumnas á hora de buscar e atopar emprego, reforzando o seu empoderamento a través das novas tecnoloxías e reducindo a brecha dixital", indicou Díaz.
A edil do Goberno local fai fincapé na importancia deste obradoiro, que se prolongará ata o vindeiro día 25 e que estará impartido por Raquel Pedrouso. As clases desenvolveranse no Centro de Formación da Reiboa (San Xoán), en horario de 9.00 a 14.00 horas.
Silvia Díaz púxose a disposición das alumnas para "resolver calquera dúbida ou atender calquera necesidade que precisen" e destacou a variedade de contidos que inclúe este curso.
A concelleira de Igualdade lembra que a programación do 8 de marzo inclúe máis actividades e iniciativas a desenvolver nas vindeiras semanas.
Relacionadas:
-
Alumnado de Poio afonda nas novas masculinidades e o empoderamento feminino
Por Redacción |
-
Igualdade clausura a acción formativa Espazo Empodera
Por Redacción |
-
Mozos de Poio ensinarán ás persoas maiores a usar un teléfono móbil
Por Oskar Viéitez |
-
O programa municipal 'Ponte ao Choio!' volve en abril á Casa Azul
Por Redacción |
-
Un xogo de mesa para educar en Igualdade e saber máis de Ponte Caldelas
Por Oskar Viéitez |
-
8M | Poio reivindica a figura da muller na sociedade durante o seu paro institucional
Por Redacción |
-
Mulleres pola Igualdade premia a Ángeles Corredoira como 'Muller do Ano' en Poio
Por Redacción |