Vivendas gratis en Sanxenxo, cebo de atracción a facultativos para traballar nos centros de saúde locais en verán
Por Redacción
Telmo Martín, alcalde de Sanxenxo, e o xerente do Sergas José Flores asinaban este mércores no salón de plenos do Concello un convenio piloto que resulta insólito.
Con este acordo o goberno local poñerá ao dispor ata catro vivendas situadas no municipio para aqueles médicos de familia de fóra de Galicia que queiran trasladarse a traballar nos centros de saúde do municipio entre o 1 de xuño e o 30 de setembro.
Con esta medida, a intención é incentivar a contratación do maior número posible de médicos de familia durante os meses de verán en Sanxenxo, época do ano en que a poboación do municipio chégase a quintuplicar respecto ao inverno. Segundo explican fontes municipais con esta proposta quérese cubrir as prazas que permitan un reforzo asistencial.
Co acto desta firma, á que asistiu José Ramón Gómez, xerente da área sanitaria de Pontevedra-O Salnés, o Concello de Sanxenxo comprométese a facerse cargo do alugueiro durante o período estival desas catro vivendas. Por este motivo, o goberno local realizou unha retención de gasto de ata 32.000 euros por se fose necesario para estes arrendamentos do persoal facultativo.
Telmo Martín explicaba que levan meses falando con Sanidade para impulsar a contratación de médicos durante o verán.
José Flores destacaba a iniciativa e sinalou que se trata dun proxecto piloto que, se obtén os resultados esperados, estudarase a súa expansión a outras entidades locais que ofrezan as mesmas características en Galicia. "Todos coñecemos o déficit de médicos en atención primaria e o que se busca é atraer profesionais médicos de fóra de Galicia", explicou o representante do Sergas.
Tamén agradeceu o esforzo do persoal de atención primaria nas sete áreas sanitarias "facendo verdadeiros quebracabezas para conseguir dar asistencia nos centros de saúde e nos PAC".
Para comprobar o funcionamento do convenio está prevista a creación dunha comisión de seguimento composta por dúas persoas representantes da área sanitaria de Pontevedra-O Salnés e dous representantes do Concello de Sanxenxo.
Relacionadas:
-
Sanidade valora positivamente o resultado da iniciativa de Sanxenxo de dar casa gratis para os médicos
Por Oskar Viéitez |
-
Sanidade anuncia novos incentivos para médicos e a oposición rexeita a medida e introduce Sanxenxo no debate
Por Natalia Puga |
-
Cinco médicos interésanse nas vivendas gratis para traballar en Sanxenxo en verán
Por Alejandro Espiño |
-
O Sergas oferta 21 prazas fixas para médicos de atención primaria na área de Pontevedra por 65.000 euros ao ano
Por Oskar Viéitez |
-
A área sanitaria de Pontevedra e O Salnés recibe a 48 novos residentes
Por Redacción |
-
"Todo o que contribúa a aumentar profesionais é benvido", afirma Rueda sobre a oferta de casas de Sanxenxo a médicos
Por Oskar Viéitez |
-
Consideran unha "mofa" a oferta de vivendas gratis para médicos en Sanxenxo
Por Redacción |
-
Trece centros de saúde da área reforzaranse con 21 das 106 prazas de médico de Atención Primaria que convoca a Xunta
Por Redacción |
-
Advirten de que o consultorio de Vilalonga seguirá sin o personal facultativo habitual
Por Oskar Viéitez |
-
Sanidade comprométese a un reforzo de persoal no centro de saúde de Baltar
Por Redacción |